BMOnıñ 70nçe Ğomüm şura cıyılışları
Törkiyӓne Premyer-ministrı Ӓxmӓt Dawıtoğlu wӓkillek itkӓn Berlӓşkӓn Millӓtlӓr Oyışmasınıň 70nçe Ğomüm şura cıyılışları azağına yaqınlaştı
170 ilneň dӓwlӓt hӓm xökümӓt başlıqları qatnaşqan cıyılışlarnın töp kön tӓrtibe matdӓsen qalqınu başçası barlıqqa kiterde, lӓkin Süriyӓdӓge tӓraqqıyӓtlӓr, terrorçılıq belӓn körӓş hӓm qaçaqlar mӓs’ӓlӓse dӓ üz ezen qaldırdı.
Ğomüm şura cıyılışları açılışında çığış yasağan Amerika Quşma Ştatları Barack Obama Rusiyӓ belӓn Süriyӓ dӓwlӓt başlığı Bӓşar Ӓsӓd xaqında ğamӓllӓren xuplamıyça, qırıs rӓweştӓ süz alıp bardı.
Obama Ӓsӓdne üz xalqına qarşı ximik qoral qullanu hӓm bombalaw belӓn ğayeplӓde.
“Ğiraq-Dimӓşk” terror oyışmasınıň tınıç xalıqnı üterüen aňlatqan Obama problemanıň çişeleşe öçen İran hӓm Rusiyӓ belӓn ber rӓttӓn qalğan illӓr belӓn bergӓ eşçӓnlek alıp barırğa ӓzer buluların belderde.
Obama Süriyӓdӓ citӓkçelekneň Ӓsӓdtӓn yaňa liderğa küçüen, Süriyӓ xalqınıň üz kilӓçӓgen tözüenӓ röxsӓtnen birelüen soradı.
Rusiyӓ Federatsiyase dӓwlӓt başlığı Vladimir Putin 10 yıldan soň Berlӓşkӓn Millӓtlӓr Oyışması Ğomüm şurası cıyılışlarında qatnaştı.
Putinneň çığışında da Süriyӓ mӓs’ӓlӓse üz ezen qaldırdı.
Süriyӓdӓge “Ğiraq-Dimӓşk” terror oyışmasına qarşı möselman illӓr dӓ kergӓn kiň qırlı koalitsiyaneň qorıluın tӓqdim itkӓn Putin bu uňışqa ireşkӓn oçraqta Awrupada qaçaqlar problemasınıň çıqmayaçağın hӓm qaçaqlar şӓhӓrçeklӓreneň dӓ kirӓk bulmayacağın belderde.
Berlӓşkӓn Millӓtlӓr Oyışması ğomüm sӓrqӓtibe Ban Ki Moon da yasağan çığışında Süriyӓ problemasınıň xӓrbi yullar belӓn çişelӓ alınmayacağın belderep, krizisnıň çişeleşe öçen Törkiyӓ, Amerika Quşma Ştatları, Rusiyӓ Federatsiyase, Soğud Ğarӓbstanı hӓm İrannıň möhim rol uynawın buluın citkerde.
Ban: “Ber-berse belӓn kileşmӓgӓn sayın wazğiyӓt üzgӓrmӓs,” – dide.
Awrupada küzӓtelüçe qaçaqlar problemasına da tuqtalğan Ban xalıqara cӓmӓğatçelekne eşkӓ kereşergӓ çaqırdı.
BMO Ğomüm şurasında liderlarğa mörӓcӓğat itkӓn Premyer-ministr Ӓxmӓt Dawıtoğlunıň kön tӓrtibendӓ dӓ qaçqınnar probleması hӓm “Ğiraq-Dimӓşk” terror oyışması belӓn körӓş bar ide.
Fӓlӓstin mӓs’ӓlӓsenӓ dӓ tuqtalğan Dawıtoğlu Törkiyӓneň Fӓlӓstingӓ yӓrdӓmeneň dӓwam itӓçӓgen assızıqladı.
70nçe Ğomüm Şurada tarixi mizgel dӓ çınğa aştı. Fӓlӓstin bayrağı BMOda 195nçe bayraq bularaq elende.
Bayraq elengӓnnӓn soň Fӓlӓstinneň BMOğa ӓğza buluı yulında möhim adım yasaldı.
