"Taliban"nıñ planı bozılğan

Äfğanstanda “Taliban”nıñ rayonnı basıp alu planı bozılğan.

339724
"Taliban"nıñ planı bozılğan

Äfğanstannıñ könyağındağı Hälmand vilayätendä “Taliban”ğa qarşı oyıştırılğan hawa operatsiyäsendä 37 suğışçınıñ üterelüe belderelgän.

Hälmandtağı Äfğanstan ğäskäre süzçese general-mayor Gulam Rasul Zazai “Anadolu” agentlığı xäbärçesenä yasağan belderüendä Musa Qalğa rayonında NATO berlekläre häm Äfğanstan iminlek köçläre bergä oyıştırğan hawa höcümendä 37 “Taliban” suğışçısınıñ ülüen, kim digändä 40 suğışçınıñ yaralanuın äytkän.

Zazai operatsiya waqıtında “Taliban”nıñ töbäktäge möhim komandirlarınnan Mulla Zarkavineñ häm oyışmanıñ rayonğa bilgelägän qanunsız citäkçeneñ dä üterelüen beldergän.

Xärbi çığanaqlar şuşı operatsiya näticäsendä “Taliban”nıñ rayonnı basıp alu planınıñ bozıluın assızıqlağan.


Etiketlar:

Bäyläneşle xäbärlär