İñ borınğı Qor’än-i Kärim özekläre tabılğan

Uglerod testı ike pergamenttağı qulyazmanıñ meñ 370 yıl elekkegä xas buluın kürsätkän

383917
İñ borınğı Qor’än-i Kärim özekläre tabılğan

Angliyadäge Birmingham Universitetında xäzergä qadär tabılğan iñ borınğı Qor’än-i Kärim özeklärennän bersen tapqannar.

Xicaz ğaräpçäsendä yazılğan Qor’än-i Kärim Birmingham Universitetı kitapxanäsendä Yaqın Könçığıştan kilgän kitaplar häm dokumentlarnı küzdän kiçergän doktorlıkka uquçı tarafınnan tabılğan.

Oxford Universitetınıñ Radiouglerod tizlätüçe bülegendä ütkärelgän test bitlärneñ 568 häm 645nçe yıllar arasında yazıluın kürsätkän.

Birmingham Universitetınıñ Xristiyanlık häm İslamiyät professorı David Thomas: “Bu qulyazmalar İslamiyät qorılğan yıllarğa xas. Qor’än-i karim 610 häm 632nçe yıllar arasında iñderelgän. Bu qulyazmalarnı yazğan keşeneñ Möxämmäd päyğambär belän ber ük waqıtta yäşäwen, xätta päyğambärne kürep belüen uylıybız,” – digän.

Qor’än-i Kärimneñ başta pergament, taş, palma yafraqları häm döyälärneñ arqa söyäklärenä yazıluın xäterlätkän Thomas izge kitapnıñ soñınnan 650nçe yılda kitapka äyländerelüen häm öçençe xälif Ğosman bin Affan tarafınnan taratıluın äytkän.

Qulyazması bulğan Qor’än-i Kärim bitläre Ğiraqta tuğan Käldani çirkäwe äğzase Alphonse Mingana tarafınnan cıyılıp, 1920nçe yıllarda Angliyağa kiterelgän yaqınça 3 meñ kitap häm dokument arasında urın ala.


Etiketlar:

Bäyläneşle xäbärlär