Angliyanıñ "Tunis kisätüe"

Angliya xökümäte turist bularaq Tunista bulğan watandaşlarınıñ ildän kitüe öçen sörän salğan.

Angliya tışqı eşlär ministrı Filip Hammond Tunista yaña terror höcümnäreneñ oyıştırıluınıñ zur ixtimal buluın kisätkän.

Hammond Tunistağı ingliz turistlarınıñ iñ qısqa waqıtta illärenä qaytuların telägän.

26nçı iyündä bu ildä yasalğan terror höcümendä utızı Angliya watandaşı 38 turist üterelgän ide.

Angliya tışqı eşlär ministrlığınıñ belderüennän soñ turizm şirkätläre kiräkle çaralar kürä başlağan.

Xäzerge waqıtta Tunista turizm şirkätläre belän bu ilgä kitkän 2 meñ 500 belän 3 meñ turist bar.

Üz mömkinlekläre belän Tunisqa kitkän ingliz turist sanınıñ isä 300 tiräsendä buluı isäplänelä.

Tunista eşçänlek alıp baruçı ingliz şirkätläre personallarınıñ ber öleşen dä illärenä qaytarırğa bulğan.

Qayber şirkätlär isä 31nçe üktäbrgä xätle Tunisqa böten turların häm oçışların tuqtatqan.