Dawıtoğlu Portugaliya häm AQşqa kitä
Törkiyä premyer-ministrınıñ söyläşü kön tärtibendä möhim mäs'älälär urın ala
Törkiyä premyer-ministrı Äxmät Dawıtoğlu bügen kiçen Portugaliya başqalası Lissabonğa kitä.
Premyer-ministr biredä Törkiyä – Portugaliya xökümätlär arası yuğarı däräcäle oçraşuınıñ berençe cıyılışında qatnaşaçaq.
Dawıtoğlu säfär qısasında xezmättäşe Passos Coelho häm ilbaşı Anibal Cavaco Silva belän küreşep söyläşäçäk.
Dawıtoğlu Portugaliyadağı oçraşuların tögällägännän soñ 4-7 mart könnärendä Amerika Quşma Ştatlarına säfär qılaçaq.
Törkiyä premyer-ministrı berençe bulıp New-Yorkta Berläşkän Millätlär Oyışması ğomum särqätibe Ban Ki Moon belän küreşäçäk.
Söyläşü kön tärtibendä regional häm global mäs’älälär , şulay uq 2016 nçı yılda Törkiyädä ütkäreläçäk Bötendönya humanitar yuğarı däräcäle oçraşuı proyektı da urın ala.
Dawıtoğlu BMOda “Cenes tigezlege häm xatın-qızğa yaqlaw kürsätü” temalı çarada çığış yasayaçaq.
Törkiyä premyer-ministrı Äxmät Dawıtoğlunıñ New-Yorkta törek-amerikan cämğiyäte wäkilläre belän dä küreşep söyläşüe kötelä.