Frantsiyada yaña höcümnär

Frantsiya başqalası Parijda başqa höcüm ixtimalına qarşı iminlek çaraları arttırılğan.

177698
Frantsiyada yaña höcümnär

Parijdağı jurnal höcümeneñ 3 şöbxälesennän berse täslim bulğan.

Frantsiya politsiyäse Said Kouachi belän bertuğanı Şärif Kouachineñ ilneñ tönyağında urınnarın bilgelägän.

Frantsiya watandaşı buluları belderelgän höcümçelärneñ 18 yäşendäge Hamid Murad isa politsiyağa birelgän.

Frantsiya politsiyäse höcümnär belän bäyle bularaq 7 keşene qulğa alğan.

Şul arada Parijda yaña ber höcüm yasalğan.

Frantsiya başqalası Parijda pänceşämbe könne irtä belän dä ber politsiya törkemenä qorallı höcüm oyıştırılğan.

Waqiğada ber xatın-qız politsiya xezmätkäreneñ ğomere özelgän bulsa, ber cirle xakimiyät eşläwçese dä awır yaralanğan.

Malakoff bistäsendä xäräkät räweşendäge maşinadan yuldağı politsiya törkemenä ike tapqır ut açılğan.

Höcümneñ çärşämbe könne “Charlie Hebdo” atnalıq jurnalğa yasalğan höcüm belän bäyläneşe barmı, yuqmı ikänlege belenmi.

Frantsiyanıñ tönyaq-könçığışındağı Villefranche-sur-Saone şähärendä ber mäçet yanındağı käbap restoranı aldında isä şartlaw barlıqqa kilgän.

Şartlaw näticäsendä restoranğa matdi zıyan kiterelgän, ülüçe häm yaralanuçı bulmağan.

Frantsiya xökümäte yaña höcüm ixtimallarına qarşı Parij uramnarında xärbi berleklärne wazıyfalandırğan.

Höcümnär arqasında ildä ber könlek matäm iğlan itelgän, Awrupa Berlege bayraqları da yartılay töşerelgän.


Etiketlar:

Bäyläneşle xäbärlär