Bäytüllahimdä Raştua bäyräme
Xristiyan dönyası Raştuanı qotlıy
Dönyanıñ här poçmağınnan kilgän xristiyannar Ğaysä päyğambärneñ tuuı faraz qılınğan Yordannıñ Könbatış üzänlegendäge Bäytüllahimgä ağılğan.
Qudüs-Yerusalim yanındağı Bäytüllahimdä urın alğan Nativity çirkäwendä Raştua bäyräme qotlanğan.
Çirkäwdäge qotlawlarda 10 meñnän artıq keşe qatnaşqan.
Çirkäw qarşında utırtılğan zur çırşı ağaçı bizälgän, qotlaw alanında bäyräm cırları başqarılğan.
Çirkäwdäge dini cıyın belän Qudüs-Yerusalim Latin patriarxı Fuad Twal citäklägän.
Bäytüllahimdäge bäyräm qotlawlarında Fälästin däwlät başlığı Mäxmüt Abbas ta qatnaşqan.
Fransisken monastırendä oyıştırılğan aş mäclesenä kilgän Abbas yaña yıl belän qotlağan häm kürşeläre belän tınıçlıq eçendä yäşärgä teläwlären beldergän.
Mäxmüt Abbas: “1967nçe yılda yawlap alınğan cirlär başqalası Könçığış Qudüs-Yerusalim bulğan Fälästin cirläreder. Moña alternativa bularaq yasalğan bernindi täqdimne qabul itmibez,” – digän.
Bäyläneşle xäbärlär
"İzrailneñ Ğazzägä yärdämnärne totqarlawı - suğış cinayäte"
Bu xaqta BMOnıñ Keşe xoquqları yuğarı komissarı Volker Türk belderde
Amerika BMO xisabın oşatmadı
AQŞ İzrailneñ genośid başqaruın açıqlawçı xisapnıñ antisemit xarakterda buluın alğa sörde