Mäskäwdä Xalıqara İslam forumı

Forumda Törkiyäneñ Diyanät eşläre başlığı Mäxmät Görmäz çığış yasağan

145532
Mäskäwdä Xalıqara İslam forumı

Xalıqara İslam forumı pänceşämbe könne Rusiyä Federatsiyase başqalası Mäskäwdä oyıştırılğan. Rusiyädäge Möftilär şurası oyıştırğan forumda Törkiyäneñ Diyanät eşläre başlığı Mäxmät Görmäz çığış yasağan.

Mäxmät Görmäz dinneñ döres räweştä öyrätelmäwennän zarlanğan häm: “İslam dönyasınıñ iñ zur probleması – din mäs’äläsendä döres mäğlümatqa ireşä almaw,” – digän.

Görmäz bügenge köndä İslam dönyasında barlıqqa kilgän problemalarnıñ din häm mäzhäp belän bäyle bulmawın assızıqlağan.

Bu waqıtta Rusiyä Möftilär şurası başlığı Rawil Gaynetdin Diyanät eşläre başlığı Mäxmät Görmäzgä İslam dönyasına kertkän öleşläre öçen “xörmät ordenı” tapşırğan.

Forumğa Törkiyä belän ber rättän Abxaziya, Azärbaycan, Belarus, İndoneziya, İran, Qazaqstan, Qatar, Qıtay, Qırğızstan, Litva, Mongoliya, Polşa, Rumıniya, Rusiyä Federatsiyase, Soğud Ğaräbstanı, Tacikstan häm Üzbäkstannan qatnaşuçılar kilde.


Etiketlar:

Bäyläneşle xäbärlär