Suğıştan 13 millionnan artıq keşe qaçqan

Suğıştan qaçuçılar sanı 13 millionnan arttı.

Süriyä häm Ğiraqtağı bäreleşlär näticäsendä 13 million 600 meñ tiräse keşe öysez qalğan.

Berläşkän Millätlär Oyışmasınıñ Yaqın Könçığış häm Tönyaq Afrika byuro mödire Amin Awad öylären taşlap kitärgä mäcbür qalğan Ğiraqlı häm Süriyälelär sanınıñ könnän-kön artuına häm dönyanıñ qaçaqlarğa qarata bitaraf qaluına iğtibar cälep itte.

Awad Ğiraqta ber yılda 1 million 900 meñ keşeneñ öysez qaluın xäterlätte.

İllärendäge watandaşlar suğışınnan qaçqan Süriyälelärneñ kübeseneñ Livan, Yordaniya, Ğiraq häm Törkiyädäge şähärçeklärdä yäşäwen açıqlağan Awad qalğan illärne dä qaçaqlarğa üz işeklären açarğa çaqırdı.