Ebola xalıqara tınıçlıqqa yanıy

Berläşkän Millätlär Oyışması İminlek Şurası ebolanı xalıqara tınıçlıqqa yanawın belderde.

Şura tarafınnan qabul itelgän qararda äğza illärne aşığıç yärdäm häm çığanaq barlıqqa kiterergä çaqıru yasaldı.

Qararda xastalıqtan tä’sirlängän illärgä yärdämneñ ireşterelä alınuı öçen säyäxät çikläwläreneñ beterelüe soraldı.

Berläşkän Millätlär Oyışması ğomüm särqätibe Ban Ki-Moon da taratqan mäğlümat iskärmäsendä ebolanı yoqtıruçılar sanınıñ här 3 atnada 2 tapqırğa artuın citkerde.

Ebola belän bäyle Berläşkän Millätlär Oyışmasında maxsus bülek qoraçağın beldergän Ban Ki-Moon älege bülek üzägeneñ xastalıq küp kürelgän Gvineya,

Liberiya häm Sierra-Leonedan tış ber ildä açılaçağın, läkin bu 3 ildä wäkillekneñ bulaçağın äytte.

Frantsiya da töbäktä xärbi xastaxanä açarğa planlawın açıqladı.

Amerika Quşma Ştatları 3 ay eçendä töbäkkä 3 meñ ğaskäri cibärergä häm 17 däwalanu üzäge açarğa äzerlängän waqıtta Kuba, Qıtay, Angliya kebek illär sälamätlek saqlaw xezmätkäre häm meditsina materialları belän öleş kertergä planlıy.