Ukrainada utnı tuqtatu tabışmağı

Rusiya belän Ukraina Ukrainanıñ könçığışındağı Donbass töbägendä daimi utnı tuqtatu öçen kileşü tä’min itkän.

Bu xaqtağı belderüne Ukraina däwlät başlığı Petro Poroşenko yasadı.

Poroşenko Putin belän telefonnan daimi utnı tuqtatu turında söyläşüen häm ike yaqlı kileşügä ireşülären belderde.

Ukraina däwlät başlığı tınıçlıq urnaştıru öçen yasalaçaq adımnar mäs’äläsendä Putin belän urtaq fikergä kilülären citkerde.

Ukraina armiyäse belän urıs separatistlar arasında köçle bäreleşlär küzätelgän Donbass töbäge Ukraina iqtisadınıñ töp öleşen täşkil itä.

Awır sänäğät qorılmaları urnaşqan töbäktä il iqtisadi eşçänleklareneñ 18%ı tormışqa aşırıla. 

Ukraina ilbaşınıñ tınıçlıq öçen adımnar yasaw mäs’äläsendä Putin belän kileşülären beldergännän soñ 1 säğät uzuğa Mäskäw monıñ döreslekkä turı kilmäwen citkerde.

Putinnıñ süzçese :”Ukrainadağı bäreleşlärdä taraf totmıybız. Şuña kürä utnı tuqtatu kileşüe tä’min itüebez turında da süz baru mömkin tügel”,-dip belderde.

Süzçe mäs’äläne Ukrainanıñ eçke mäs’äläse itep kürülären assızıqladı.

Şulay uq ike lidernıñ telefonnan söyläşülären , bäreleşlärne tuqtatu öçen yasalaçaq adımnar mäs’äläsendä zur külämdä kileşülären belderde.