Awstraliya Rusiyägä qarata yaňa çikläwlär qullanaçaq
Premyer-ministr Abbott: “Rusiyä ülüçelärneň cawaplılığın üz östenä alırğa tiyeş”
Awstraliya Premyer-ministrı Tony Abbott Rusiyäneň Ukrainada başqarğannarın duamallıqqa oxşattı.
Awstraliya Parlamentına möräcäğat itkän Premyer-ministr Abbott xäzerge waqıtqa qadär 2 meň 500 keşeneň ğomere özelgän waqiğalarnı başlatuçınıň Rusiyä Federatsiyase buluın citkerep: “Rusiyä yaqtı dönyadan kitüçelärneň cawaplılığın üz östenä alırğa tiyeş,” – dide.
Çikläwlärne Awrupa Berlege däräcäsenä kütärgän Awstraliya bu qısada Rusiyägä qoral satuın häm urıs däwlät banklarınıň Awstraliya aqça bazarına ireşüen çikläde.
Awstraliya Rusiyägä qarata mart ayında da qayber finans häm säyäxät çikläwlären qullanğan ide.
Awrupa Berlege häm Amerika Quşma Ştatları mart ayında Qırımnı üz cirlärenä quşuınnan soň Rusiyägä qarata çikläw qararın alğan, waqıt belän bu sanktsiyalär arttırılğan ide.
Bäyläneşle xäbärlär
AQŞ Pol'şa belän Niderlandqa raketa cibärä
Awrupa illäre saqlanu mömkinleklären arttıru maqsatınnan AQŞtan qorallar satıp aldı