2 ĞDİD liderı üterelde
Ğiraqta ĞDİDneñ ike citäkçeseneñ üterelüe belderelde.
Ğiraqtağı Äl-Cumhuri xastaxanäse tabibe Välid Casim Amerika Quşma Ştatları xärbi oçqıçlarınıñ Zämmar töbägenä oyıştırğan hawa höcümnärendä ülgän ĞDİD (“Ğiraq-Dimäşq İslam däwläte”) terror oyışmasınıñ ike liderınıñ mäyetläreneñ meditsina ekspertizası bülegenä salınuın äytte.
Casim, isemnäre turında täfsille mäğlümat birmiçä, üterelgän terror citäkçeläreneñ oyışmanıñ Ninovadağı Äl-Cäzirä töbägennän cawaplı keşelär buluın belderep, mäyetlär xastaxanägä alıp kiterelgän çaqta “Ğiraq-Dimäşq İslam däwläte” terror oyışması tarafınnan tirä-yaqqa ut açıluı näticäsendä küp sanda xastanıñ panika yäşäwen assızıqladı.
Bilgele ber waqıttan birle bäreleşlär häm avtoritet buşlığı xökem sörgän Ğiraqta “Ğiraq-Dimäşq İslam däwläte” isemle terror oyışmasınıñ äydäp baruçanlığındağı qorallı törkemnär Musul häm Tikrit kebek qayber şähärlärdä kontrolne üz qulına alğan, bäreleşlär arqasında tınıç xalıqtan yaqınça 1 million keşe töbäktän küçep kitärgä mäcbür bulğan ide.
