ĞDİD oyışmasınıň küpläp üterüläre däwam itä

Suğışçılar Süriyäneň könçığışında 700 keşeneň ğomeren özde

93530
ĞDİD oyışmasınıň küpläp üterüläre däwam itä

Ğiraqnıň tönyağında 80 Yäzidi ir-atnı ütergän suğışçılar Süriyäneň könçığışında şul uq qabilädän 700 keşeneň ğomeren özde.

Ğiraqta ĞDİDka yünälgän AQŞnıň hawadan höcümnäre isä däwam itä.

Amerika Quşma Ştatları häm Ğiraq armiyase Musul böyäsen qabat qulğa töşerer öçen operatsiya oyıştırdı.

AQŞ suğış oçqıçları ĞDİD urınnarın bombağa totqan waqıtta päşmärgä dä ciröstennän yärdäm kürsätte.

Höcümdä 11 ĞDİD suğışçısı ülde, 9ı yaralandı.

Ğiraq armiyaseneň Enbarda oyıştırğan hawadan operatsiyalärendä 15 ĞDİD suğışçısı üterelde.

Bu waqıtta ber Yäzidi xalıq ışanıçlısı häm ber körd räsmi zatı oyışmanıň ilneň tönyağındağı ber Yäzidi şähärçegendä comğa könne 80 tiräse Yäzidi ir-atın üterüen, xatın-qız häm bala-çağalarnı urlawın äytte.

Angliyada urnaşqan Süriyädäge keşe xoquqların küzätü yortı isemle oyışma isä ĞDİD oyışmasınıň Süriyäneň könçığışında äl Şheitaat qabiläseneň 700 äğzasen üterüen açıqladı.


Etiketlar:

Bäyläneşle xäbärlär