72 säğatlek utnı tuqtatu qararı qabul itelde

İzrail häm Fälästin tarafı Misır täqdim itkän 3 könlek utnı tuqtatu mäs’äläsendä kileşte.

İrtänge säğat 08.00dän başlap ut tuqtadı.

İzrail qatnaşmağan söyläşülär Misır başqalası Qahirädä däwam itä.

Fälästin wäkillegendä urın alğan Hamas häm İslami Cihat räsmi zatları irtänge 8dän başlap 3 könlek utnı tuqtatu täqdimen qabul itülären beldergän ide.

Hamas süzçese Fevzi Berhum yasağan yazulı açıqlawda: “Misırğa irtänge säğatlärdä başlanaçaq 72 säğatlek utnı tuqtatu täqdimen qabul itüebezne räsmi räweştä belderdek,” – dide.

İzrail däwlät radiosınıň Ministrlar Kabinetı çığanaqlarına tayandırğan xäbärendä dä Ministrlar şurası säyäsi häm iminlek komitetı äğzaläreneň Misır täqdim itkän şartsız utnı tuqtatu täqdimen bäyäläp çıqqannan soň qabul itüe citkerelgän ide.

İzrail armiyase Ğazzädän barlıq xärbi berleklären çigüen açıqladı.