Fälästin bombalaw astında

Höcümnärdä ülgän Fälästinle sanı 1721gä citkän waqıtta 9100 keşe dä yaralandı

78231
Fälästin bombalaw astında

İzrail ciröste berleklärennän ber öleşen Ğazzädän çigendersä dä, höcümnären däwam itterä.

İzrail utnı tuqtatqan waqıtta urlanuın däğwa itkän ğaskärineň ülüe öyränelgännän soň bu qararnı qabul itte.

İzrailneň wäşhäte yänä çiklärne aştı, maqsatta bu tapqır qabat Berläşkän Millätlär Oyışması mäktäbe bar ide.

İrtänge säğatlärdäge höcümnärendä ülgän Fälästinle sanı 1721gä citkän waqıtta 9100 keşe dä yaralandı.

Fälästin citäkçelege Hamas häm İslami Cihattan wäkillär dä bulğan ber wäkillekne utnı tuqtatu mäs’äläsen söyläşer öçen Qahirägä cibärde.

İzrail yuğalğan ğaskärineň ülüçelär arasında bulıp bulmawın bilgelär öçen belgeçlärdän torğan maxsus törkem qordı.

İzrail armiyase ğaskärineň ğailäsenä ber wäkillek cibärep, ğaskärineň Ğazzädä ülüen açıqladı.

Şul räweşle, İzrailneň Ğazzägä höcümnärendäge yuğaltuı 64e ğaskäri belän 66ğa citte.

İzrail qabat ber Berläşkän Millätlär Oyışması mäktäben maqsat itep aldı.

Refahtağı mäktäptä 10 keşeneň ğomere özelde, 35 keşe yaralandı.

Fälästin Sälamätlek saqlaw ministrlığı süzçese Äl Kurda İzrail oyıştırğan höcümnärdä 17 xastaxanä häm 35 aşığıç yärdäm kürsärü maşinasına ut açuın,

höcümnärdä 19 sälamätlek saqlaw xezmätkäreneň yaqtı dönyadan kitüen citkerde.

Xäräbälär astındağı mäyetlärneň çeri başlawı, bombalaw arqasında mäyet çığaru eşçänlekläreneň äkren baruı belderelä.

Berläşkän Millätlär Oyışması bombağa totu arqasında Ğazzädä sälamätlek saqlaw üzäkläreneň yartısınıň yabıluına, açıq bulğan xastaxanälärneň dä ixtıyaclarnı qanäğatländerä almas xälgä kilüenä iğtibar cälep itep, sälamätlek saqlaw sistemasınıň yuqqa çığa baruına basım yasadı.

İzrail Anadolu agentlığı byurosına da ut açtı.

Waqiğada ülüçe yäisä yaralanuçı bulmadı.

Ğazzädän İzrailğa raketa höcümnäre dä däwam itä.

Şimbä könne İzrailğa 62 raketa ırğıtıldı, 6ısı timer gömbäz sisteması tarafınnan hawada yuqqa çığarıldı, 2ese Tel Aviv yanında kilep töşte.

Fälästin citäkçelegeneň utnı tuqtatu söyläşüläre öçen cibärgän wäkillek Qahirägä barıp citte.

Amerika Quşma Ştatları da Qahirägä Yaqın Könçığış wäkilen cibärä.

İzrail Hamasnı daimi räweştä utnı tuqtatunı bozu belän ğayepläp, wäkillek cibärmäskä qarar birde.


Etiketlar:

Bäyläneşle xäbärlär