İslam dönyası Ramazan bäyrämen qotlıy

Bäyräm Ğazzä, Ğiraq jäö Süriyädäge möselmannarnıň qayğı-xäsrätläre arqasında moňsu uza

73373
İslam dönyası Ramazan bäyrämen qotlıy

Möselmannar düşämbe irtä belän mäçetlärgä ağıldı.

Ğazzä belän ber rättän zolımğa duçar qalğan barlıq möselmannar öçen doğalar uqıldı.

Ğazzä xalqı da Äl Amri Käbir mäçetendä bäyräm namazın uqıdı.

Küpläp üterüdä tuğannarın yuğaltuçılar namazdan soň ziratqa bardı.

Mäscid-i Aksada isä bäyräm namazınnan soň Ğazzäne yaqlap şiğarlär äytelde.

Üzbäkstanda da dönyanıň törle illärendä küzätelüçe bäreleşlärneň tuqtatıluı öçen doğa uqıldı.

4 million tiräse möselman yäşägän Germaniyada da bäyrämşatlığı bar ide.

Başqala Berlinda mäçetlärgä sıymağan xalıq işeğaldında bäyräm namazın uqıdı.

Balkandağı illär dä bäyrämne şatlanıp qarşı aldı.

Bosnya-Gertsegovina, Serbiya, Çernogoriya, Kosova, Makedoniya, Xorvatiya häm Albaniyadağı möselmannar bäyräm namazında mäçetlärne şıplap tutırdı.

Bäyräm wäğazlärendä berlek häm berdämlek yullamaları yasaldı.

Mäçet bulmağan berdänber Awrupa başqalası bulğan Afinada bäyräm namazı sport zalında uqıldı.

Ğiraqnıň Erbil şähärendä dä mäçetlär tuldı.

Filippinnar başqalası Manilada isä namaz parkta uqıldı.

İndoneziyada könyaq könçığış Aziyanıň iň zurısı bulğan Bäysezlek mäçetendä cıyılğan xatın-qız, ir-at, yäşlär häm qartlar belän barlığı 300 meň möselman bergä namaz uqıdı.

Awstraliyada isä Auburn Gelibolu mäçetenä sıymağan xalıq işeğaldı häm baqçada bäyräm namazın uqıdı.

Bäyräm Ğazzä, Ğiraq jäö Süriyädäge möselmannarnıň qayğı-xäsrätläre arqasında moňsu uza.


Etiketlar:

Bäyläneşle xäbärlär