Ğazzä bomba astında

İzrail Ğazzäneñ törle töbäklärendäge toraq punktların, xökümät binaların häm öylärne bombağa tota.

İzrail armiyase qaçaqlar yäşägän şähärçektäge ber parkka oyıştırğan höcümdä 10 balanıň ğomere özelde. Törle töbäklärdä däwam itüçe bombalawda isä 20 keşe yaqtı dönyadan kitte, 120 keşe yaralandı.

7 nçe iyuldän bügenge köngä qadär ülgän Fälästinle sanı meň 119ğa citkän waqıtta 6 meň 500dän artıq yaralanuçı bar.

Ğazzä Ramazan bäyrämen İzrail armiyasennän kilgän höcümnär külägäsendä qotladı.

Ğazzäneň könbatışındağı Äş-Şati qaçaqçılar şähärçege yanındağı ber park balalar ziratına äylände.

İzrailneň bombağa totuında 10 bala ülde, şaqtıy keşe yaralandı.

Töbäkkä ırğıtılğan ikençe raketa da Ğazzäneň iň zur xastaxanäse bulğan Şifağa kergän urında urnaşqan binağa tide.

İzrail suğış oçqıçları Ğazzäneň könbatışındağı äl-Aksa televideniye binasına ut açtı. Höcümdä bina cimerelde, tirä-yaqtağı öylär zıyan kürde.

İzrail armiyasenä bäyle ber keşesez oçqıç ta äl-Aksa radio binasın bombaladı.

İzrail Hamasnıñ säyäsi byuro citäkçese urınbasarı İsmail Haniyeneñ Ğazzäneñ könbatışındağı buş öyen dä bombaladı.

Höcüm arqasında radio tapşıruları tuqtatıldı.

Berläşkän Millätlär Oyışması ğomüm säqätibe Ban Ki-Moon İminlek şurasınıň “aşığıç häm şartsız utnı tuqtatırğa çaqıruı”n qabatladı.

Telekonferentsiyada küreşkän Amerika Quşma Ştatları, Germaniya, Frantsiya, Angliya häm İtaliya liderları Ğazzädä “aşığıç häm şartsız” utnı tuqtatunıň zarur buluın belderde.

İzrail Premyer-ministr Binyamin Netanyaxunıň açıqlawları isä utnı tuqtatu ömetlären çelpärämä kiterde.

Töbäktäge operatsiyalären tuqtatmayaçaqların citkergän Netanyaxu İzrail xalqın Ğazzädä ozaq däwam itäçäk suğışqa äzer bulırğa çaqırdı.