Oçqıç qazasında 47 keşeneñ ğomere özelde

Oçqıç bärelgän binada da yanğın çıqtı

68914
Oçqıç qazasında 47 keşeneñ ğomere özelde

Tayvanda Trans Asya hawa yullarına bäyle ber oçqıç aşığıç räweştä töşkän çaqta qaza barlıqqa kilde.

Qazada 47 keşeneñ ğomere özelde.

Trans Asya hawa yullarına bäyle ATR-72 törendäge yulçı oçqıçı çärşämbe könne Gaoşiaong şähärendäge Şiaogang hawa mäydanınnan Pinghu Magong hawa mäydanına barırğa dip quzğaldı.

Läkin naçar hawa şartları arqasında aşığıç räweştä töşärgä mäcbür qaldı.

Töşkän waqıtta qazağa duçar bulğan oçqıçqa 54 yulçı häm 4 keşelek ekipajnıñ utıruı belderelde.

Bolardan 47ese qazada yaqtı dönyadan kitte, yaralanğan 11 keşe xastaxanägä salındı.

Oçqıç bärelgän binada da yanğın çıqtı. Binada berkemneñ dä bulmawı citkerelde.

Tayvanda küzätelgän Matmo ğarasatınnan soñ şaqtıy oçqıç säfäre ğamäldän çığarılğan ide.

Ğarasatnıñ qazanı kiterep çığaruı uylanılsa da, Xärbi bulmağan aviatsiya idaräse oçqıç töşkän waqıtta hawa şartlarınıñ yaxşı buluın açıqladı.


Etiketlar:

Bäyläneşle xäbärlär