Oçqıç faciğäse diplomatik krizisqa äylänä

Ukrainada bärep töşerelgän Malayziya yulçı oçqıçı mäs’äläsendä Waşington Mäskäwne, Mäskäw isä Kievne gäyepli

66144
Oçqıç faciğäse diplomatik krizisqa äylänä

Malayziya hawa yullarınıñ bärep töşerelgän MH17 säfärle oçqıçı xalıqara diplomatik krizisqa äylänä bara.

Angliya Premyer-ministrı David Cameron Mäskäw waqiğanı tikşerüne totqarlağan oçraqta Rusiyä Federatsiyäsenä qarata sanktsiyälärneñ arttırıluı zarurlığın belderde.

Amerikan citäkçelege dä reaktsiyäsen arttıra.

Amerika Quşma Ştatları däwlät särkätibe John Kerry, Rusiyä xaqında çınbarlıqnı äytü waqıtınıñ citüen assızıqlap, separatist liderlarınnan qayberäwläreneñ Rusiyä watandaşı buluın rasladı.

Kerry Rusiyäneñ bu separatistlarnı qorallandırıp häm öyrätep yärdäm kürsätüen belderde.

Amerikan däwlät särkätibe John Kerry oçqıçnıñ bärep töşerelüe belän qağılışlı qullarında citdi näticälär buluın da assızıqladı.

Oçqıçnıñ bärep töşerelüendä qullanılğan raketanıñ qaydan häm qayçan ırğıtıluı sürätläreneñ qullarında buluın äytüçe Kerry oçqıç bärep töşerelgännän soñ separatistlarnıñ üz aralarında yasağan söyläşüläreneñ dä iğtibarnı cälep itüen belderde.

Rusiyä Federatsiyäse ilbaşı Vladimir Putin isä, berkemneñ dä mondıy faciğäne säyäsi material bularaq qullanunıñ döres bulmawına basım yasap, waqiğa belän bäyle tikşerüneñ imin räweştä alıp barıluı öçen qullarınnan kilgänne yasawların äytte.

Putin Ukraina 28nçe iyündä utnı tuqtatunı ozınaytqan bulsa ide, bu tragediyanıñ yäşänmäyäçägen alğa sörde.

Mäskäw häm Waşington oçqıçnı kemneñ bärep töşerelüen bäxäsläşergä däwam itkän bulsa, taraf totmağan suğışnıñ qorbanı bulğan 298 keşe öçen matäm iğlan itelde.

Şul arada oçqıç qaldıqlarınnan mäyetlärne cıyu däwam itelä.

Tuplanğan 21 mäyet suıtqıç saqlağıçları bulğan poyezdqa töyälgännän soñ töbäktän alıp kitelde. Yaqındağı Torez qasabasında suıtqıçlarda totılğan 200gä yaqın mäyet östendä soñınnan tikşerü ütkäreläçäk.

Şul uq waqıtta separatistlar qulındağı Donetsk şähärendä bäreleşlärneñ däwam itüe xäbär itelä.

Waqiğa şahitläre Ukraina ğäskäreneñ düşämbe könne irtä belän şähärgä kerergä tırışuın häm separatistlarğa qarağan 2 tanknıñ qalanıñ vokzalı tiräsenä kitüennän soñ bäreleşlärneñ kilep çığuın belderde.


Etiketlar:

Bäyläneşle xäbärlär