Däğwa 13 nçe iyülgä kiçekterelde

Mursi häm “Möselman qardäşlär” oyışması citäkçeläre 11 törmä häm iminlek bülekçäsenä höcüm itep 3 ofitsernı urlaw ğayebe belän xökem itelä

121817
Däğwa 13 nçe iyülgä kiçekterelde

Misırnıñ tüntäreleş belän wazifasınnan alınğan ilbaşı Möxämmäd Mursi häm “Möselman qardäşlär” oyışması citäkçeläre xökemgä tartıluçı “törmälärgä höcüm itü”däğwası 13 nçe iyülgä kiçekterelde.


Qahirädäge politsiya akademiyäsendä uzğan utırışta qatnaşqan şahitlarnıñ bernärsä belmäwläre turında äytüe reaktsiyälärgä säbäp buldı.


Pıyala çitlek eçennän üz tawışın işetterergä telägän Mursi sudyağa “Bez tragediya kiçeräbez” dip endäşte.


Sudya isä çitlekneñ tawış sistemasın yabıp quyıp, aña söyläşergä röxsat birmäde.


“Törmälärgä höcüm itü” däğwasında 131 ğayeplänüçe ilbaşı Hüsnü Möbaräkne bärep töşerü belän tögällängän xalıq baş kütärüendä 11 törmä häm iminlek bülekçäsenä höcüm itep 3 ofitsernı urlaw ğayebe belän xökem itelä.

 


Etiketlar:

Bäyläneşle xäbärlär