Turçinov: "Referendum iqtisadi häm sotsial tarqaluğa etäräçäk"
Ukrainada Donetsk häm Luhansk töbäklärendä bäysezlek iğlanı mäs’äläsendä referendum ütkärelä
Rusiyä tarafdarları bäysezlek, Rusiyägä quşılu yäki wäqälätläreneñ arttırıluı şartı belän Ukrainada qalu mäs’äläsendäge qararların referendumnan soñ qabul itäçäklären belderä.
Referendumnı ni Kiev ni dä Könbatış legal itep kürä.
Tawış birü monnan aldağı könne 7 keşe ülgän Mariupol şähäre belän bergä qayber urınnarda irtä başladı.
Tawış byulletenendä xalıqqa: "Donetsk häm Luhansk citäkçelekläreneñ üz-üzlären idarä itüen yaqlıysızmı?” dip soraw birelä.
Ukrainanıñ waqıtlı Däwlät başlığı Oleksandr Turçinov referendumnıñ Ukrainada xalıqnıñ küpçelegen iqtisadi häm sotsial tarqaluğa etäräçägen kisätte.
Turçinov Kievneñ ilneñ könçığışınnan wäkillär belän söyläşügä äzer buluın, fäqät hiç tä terrorçılar belän östälgä utırmayaçağın äytte.
Rusiyä Federatsiyäse İlbaşı Vladimir Putin da kileşügä mömkinlek tanu öçen referendumnıñ kiçekterelüen telägän ide.
