Dön’ya matbuğatına küzätü 06.08. 2021

Qayber çit il basmalarına küzätü

1686703
Dön’ya matbuğatına küzätü 06.08. 2021

“Al-Quds Al-Arabi” gazetı yazğança İrannıñ yaña ilbaşına AQŞ tübändäge yullamanı yasadı: “Diplomatiya forsatın quldan ıçqındırmağız”.

Qatarnıñ “Al-Raya” basması beldergänçä Franŝiya oyıştırğan Livanğa yärdäm konferenŝiyase 370 million dollarlık aqçalata yärdäm cıydı.

Al Jazeera citkergänçä Äfğanstanda Taliban cirleklärdän soñ şähärlärne maqsat itep ala başladı. BMO İminlek şurası cıyılaçaq, xalıqara arena isä utnı tuqtatu öçen tırışlıq quya.

İspaniyada çığuçı “El Pais” gazetı xäbärenä kürä İspaniyadağı 5 üzidaräle töbäk qartlar yortında êşläwçelärgä qarağan vakŝinaŝiyaneñ häm atnada 2 tapqır test yasatunıñ mäcbüri buluın teli.

Şul uq ildä basıluçı “El Mundo” gazetı Barselona futbol klubı açıqlawına urın birä: “Messi monnan soñ Barselona klubında uynamayaçaq.”

Deutsche Welle media oyışması beldergänçä Germaniyadağı här 10 şirkättän 9ısı kiber höcüm qorbanı.

Alman telendäge zdf.de xäbär säxifäse yazğança alman futbolınıñ onıtılmaz isemnärennän Mixaêl’ Ballaknıñ 18 yäş’lek ulı Êmilio Portugaliyada oçrağan motoŝikl hälakätendä yaqtı dön’yadan kitte.

Welt.de internet säxifäse İzrail hawa köçläreneñ Livandağı urınnarğa hawadan höcüm oyıştıruın yaza.

TASS agentlığı citkergänçä Ukraina ilbaşı Vladimir Zelenskiy Donbass töbäge xalqına Rusiyä pasportları birelgäne öçen Rusiyäne xalıqara xoquqnı bozuda ğayepläde.

İzvestiya gazetı beldergänçä AQŞ watandaşlarına Rusiyägä säyäxät itmäw mäs’äläsendä kiñäş birüne däwam itterä. Amerikalılardan ayıruça Tön’yaq Qavqaz häm Qırımğa barudan taypılu sorala.

RİA Novosti xäbärenä kürä Rusiyäneñ tışqı êşlär ministrlığı Awrupa İminlek häm xezmättäşlek oyışmasınıñ Rusiyädäge ğomüm saylawğa küzätüçe cibärmäw qararına borçıluın açıqladı.

“Le Figaro” Amerika Quşma Ştatlarında Guantanamo törmäseneñ yabıluı öçen demokratlarnıñ Djo Baydenğa basım yasawın yaza.   

France 24 televideniyese citkergänçä Greŝiyada yanğın sünderüçelär Afina yanındağı yanğınnar belän köräşä.  

Bel’giyaneñ “Le Soir” basması Lionel’ Messineñ Barselona futbol klubınnan kitüen xäbär itä.

“Tatar-inform” mäğlümat agentlığı beldergänçä Möftilär şurası kovidtan privikalı Rusiyä watandaşlarına keçe xacda qatnaşırğa röxsät sorıy.



Bäyläneşle xäbärlär