Dön’ya matbuğatına küzätü 03.08.2021

Qayber çit il basmalarına küzätü

1684681
Dön’ya matbuğatına küzätü 03.08.2021

Omanda çığuçı “El-Vatan” gazetı yazğança Braziliyadäge tikşerenüçelär koronavirusnıñ vakŝinağa çıdamlı variantınıñ barlıqqa kilä alaçağına borçıla.  

Ğıyraqnıñ “El-Zeman” basması beldergänçä Tähran citäkçelege üzenä qarşı oyıştırılaçaq härtörle höcümgä cawap qaytaru belän yanıy.

Qatarda dön’ya kürüçe “El-Raya El-Katariye” gazetı citkergänçä mögezborınnar yuqqa çığaru qurqınıçı astında. 

Spiegel.de xäbärenä kürä Germaniyada 12 yäş’tän olı balalar da koronavirus vakŝinasın yasata alaçaq.

Deutsche Welle media oyışması beldergänçä Germaniyada şirkätlär xezmätkärlärgä koronavirus vakŝinasın mäcbür itärgä uylamıy.

Handelsblatt.de Germaniyada citeşterüçelär häm kliyentlarnıñ dizel’ transport çaralarınnan waz kiçüen yaza.

İspaniyada basıluçı “El mundo” gazetı ber törkem belgeçneñ Ardales mäğarälärendä dön’yanıñ iñ borınğı häm neandertallarnıñ yasawı bilgelängän räsemnär tabuın belderä.

Şul uq ildä çığuçı “El Pais” basması citkergänçä İspaniyada 20 yäş’tän olı bulğannarnıñ yartısınnan kübräge koronaviruska qarşı berençe doza vakŝina yasatqan.  

Venesuêlanıñ “El Nacional” gazetı yazğança ildä vakŝinaŝiya maqsat itelgän tizlektä barmıy.  

“Le Figaro” xäbär itkänçä Franŝiyada Kovid-19 soñğı täwlektä 51 keşeneñ ğomeren özde. 1232 awıru reanimaŝiyada.

Lenta.ru beldergänçä Rusiyäneñ Tver’ töbägendä küzätelgän dawılda 3 keşe yaqtı dön’yadan kitte, 15 keşe yaralandı.

Sport-express.ru xäbärenä kürä Rusiyäneñ cıyılma voleybol komandası Olimpiada uyınnarınıñ yarım finalında Braziliya taqımı belän uynayaçaq.

RBK citkergänçä AQŞ Däwlät departamentı 24 rus diplomatnıñ ildän kitüenä qarağan taläpneñ nigeznamäsen açıqladı: diplomatlarnıñ viza waqıtı betkängä kürä viza waqıtın ozınaytu zarur.

“Tatar-inform” mäğlümat agentlığı yazğança Törkiyädä Rusiyä turistları utırğan avtobus äylängän, 4 keşe wafat bulğan.



Bäyläneşle xäbärlär