Дөнья мaтбугaтынa күзәтү - Dön’ya matbuğatına küzätü 30.07.2021

Äl-Raya Äl-Katariyä (Qatar): İlbaşı Räcäp Tayyip Ärdoğan: "Törkiyä şantajlarğa häm yanawlarğa baş iymäyäçäk”.

Äl-Zäman (Ğıyraq): Başqala Bağdattağı Amerikan ilçelege yanında raketa höcüme oyıştırıldı.  

Äl-Watan (Oman): Baxreyn virus arqasında 16 ildän kilüçelärgä kerüne tıydı.  

France 24: Senegaldäge xastaxanälärdä yaña tör koronavirusnıñ (“Kovid-19”nıñ) 3nçe dulqını arqasında xasta tığızlığı yäşänä.

Le Matin: Franśiyadä yalğan Kovid vakśinası sertifikatlarınıñ säwdäsen yasawçı ber keşe 1 yılğa törmägä xökem itelde.

Le Figaro: Tikşerenügä kürä, törmädän irekkä cibärelgännärneñ öçtä berse kiläse yılda qabat cinayät qıla.

zdf.de: Germaniyada ximiya qorılmasınıñ qatı qaldıqlarnı yandıru mäydanındağı şartlawda ülüçelärneñ sanı 5kä citkän.

ard.de: Germaniyada iyül’ inflyaśiyası, soñğı 13 yılnıñ iñ yuğarı däräcäsenä citep, monnan aldağı yılnıñ şul uq çorına qarağanda 3,8%qa kütärelde.

zeit.de: İzraildä 60 yäş’tän ölkännärgä öçençe doza “Pfizer/BioNTech” yasalaçaq.

Lenta.ru: Rusiyä ğaläm agentlığı “Roskosmos” “Nauka” moduleneñ Xalıqara ğaläm stanśiyası belän totaşqan çaqta motorlarınıñ üzlegennän qabızıluınıñ säbäben tikşeräçäk. NASA stanśiyanıñ waqıyğadan nindi dä bulsa zıyan kürmäwen häm “Nauka”nıñ uñışlı räweştä totaşuın belderde. 

RBK: Daniyanıñ êlekke tışqı êşlär ministrı Uffe Ellemann-Jensen Awrupa illären "Tön’yaq ağım-2 proyektın” Rusiyä öçen Pirus ciñüenä äyländerergä çaqırdı (Pirus ciñüe – cimerüçe zurlıqta yuğaltular bäyäsenä ireşelgän ciñü). 

Sport.ru: Olimpiada uyınnarında 200 metr arqada yözüdä amerikalı yözüçe Ryan Murphy altın medal’ yawlağan Rusiyä köndäşe Yevgeniy Rılovnıñ doping qullanuın alğa sörde.

El Mundo (İspaniya): Bötendönya sälamätlek saqlaw oyışması balağa uzuçılarnı berençe çiratta vakśina yasaluçılar isemlegenä kertte.

Infobae (Argentina): Yaña açışlar vakśinaśiyälängän keşelärneñ “Del’ta” variantın tarata alaçağın kürsätä.

Telesur (Venesuêla): Argentinada 18 yäş’tän olıraq buluçılarnıñ 75%tan kübräge vakśinaśiyälände.

Tatarstannıñ “Tatar-inform” agentlığı Tatarstanğa yäşenle yañğır häm köçle cil kilä, dip xäbär itä. Agentlıq beldergänçä, cilneñ tizlege sekundına 15-20 metrğa qadär citäçäk.