Dönya matbuğatına küzätü 29.07.2021

Qayber çit il basmalarına küzätü

1682123
Dönya matbuğatına küzätü 29.07.2021

 

“Frankfurter Allgemeine Zeitung” yazğança, AQŞ farmaśevtika gigantı Pfizer BioNTech şirkäte belän bergä êşlägän Kovid -19 vakśinasınnan kötelgän keremne 29%qa arttırdı häm 33,5 milliard dollar dip iğ’lan itte.  

“Süddeutsche Zeitung” basması ZZ Top rok törkemenä nigez saluçı Dusti Xillnıň 72 yäşendä Texastağı öyendä ülüe turında yaza. 

“Deutsche Welle” xäbär itkänçä, 13 meň tiräse tikşerenüçe klimat krizisındağı soňğı wazğıyät’ arqasında aşığıç çaralar kürergä öndädelär.

“Elquds Elarabi” basması yazğança, Tunis ilbaşı Kays Said talk show çikläwläre arqasında däwlät televideniyese direktorın êşennän azat itte. 

“Elraya” gazetı Katar universitetında yıl sayın 30 törek studentına stipendiya bireläçäk dip citkerä.

“El Pais” basması İspaniya öçençe tapqır Livanda 10 meň 200 tınıçlıq köçe ğaskärlärenä boyırıq birergä ,alarnı citäklärgä teli dip yaza.

“El Mundo” gazetı citkergänçä, Avrupa Berlege fondların region buyınça bülü üzidaräle cämğıyät’lär belän xökümät arasında berençe konfliktnı tudırdı. Xökümät taratunı tänqit’lägän avtonom cämğıyät’lärdän fodlarnı kire alu belän yanıy.  

“TeleSur” basması  yazğança, Êkvador milli pedagolar berlege äğ’zası bulğan uqıtuçılar êlekkege parlament qabul itkän Mädäniyätara mäğarif qanunına kertelgän reformalarnı ütäwne taläp itep protest belderdelär .

“Lenta.ru” AQŞ senatınıň 12 Cömhüriyätçe äğ’zası xökümätkä “Tön’yaq ağım -2” turında ul’timatum belderde. Qazna ministrı Djanet Yellenğa cibärelgän xatta äytelgänçä, proyekt belän bäyle sankśiyälär tormışqa aşırılmasa häm proyektqa xökümätneň qaraşı üzgärmäsä ,finans ministrlığına veto quyılaçaq dip xäbär itä.

“RİA Novosti” beldergänçä, AQŞ ilbaşı Djo Bayden kiçä Aq Yotta Belarus’ oppoziśiyäse liderı Svetlana Tixanovskaya belän oçraşuı turında xäbär itte.

 “Regnum” agentlığı  Yaponiyada uzuçı Olimpiya uyınnarında işkäk işü yarışlarında Rusiya xatın - qız sportçılarınıň kömeş medal’ yawlawın citkerä.

“Le Parisien” basması Franśiya ilbaşı Êmmanuêl’ Makronnıň anı Gitler itep surätlägän plakatlar yasağan keşegä qarata cinayät’ êşe quzğatuı turında yaza.

“Le Figaro” gazetı yazğança, Franśiya törmälärendä 1 nçe iyül’gä 68 meň totqın bar. Alarnıň sanı ber yılda 15,7%qa artqan.

“Tatar – inform” xäbär itkänçä, Tatarstan ilbaşı Röstäm Miňnexanov Gagauziya avtonomiyäle-territorial’ berämlege başlığı İrina Vlax belän oçraştı. İrina Vlaxnıň Tatarstanğa säfäre XII “Rusiya -İslam dön’yası : KazanSummit 2021” Xalıqara iq’tisadi sammitına bağışlanğan. Tatarstan ilbaşı Gagauziya başlığına turizm ölkäsendä xezmättäşlekne üsterergä täq’dim itte.



Bäyläneşle xäbärlär