Dön’ya matbuğaına küzätü 02.07.2021

Qayber çit il basmalarına küzätü

1668556
Dön’ya matbuğaına küzätü 02.07.2021

Deutsche Welle media oyışması Törkiyä ilbaşı Räcäp Tayyip Ärdoğannıñ süzlären citkerä: “Xatın-qızğa qarata qırıslıq belän köräşebez ütkändäge kebek bügen dä, irtägädä däwam itäçäk.”

Alman telendäge rp-online.de xäbär säxifäse yazğança almannar demokratiyaneñ wazğıyätennän qanäğat’ tügel.

Handelsblatt.de internet säxifäse beldergänçä Berläşkän Millätlär Oyışması xisabına kürä turizmda tuparlanu 2023tä bulaçaq.

“Le Soir” gazetı citkergänçä Bel’giya prem’yer-ministrı yıllar buyı yäşägän Bel’giyada qaçaq tügel, ä xoquqıy statusta yäşäw taläbe belän açlıq çarasın başlatqan 400 tiräse keşene çaraların beterergä çaqırdı.

“Le Monde” basması xäbärenä kürä Franŝiya ilbaşı Makron “Elle” jurnalına birgän interv’yuda borçuların citkerde. “Cämğıyät’neñ äkrenläp radikallaşuın küräm,” – dide ul.

Meksikanıñ “El Universal” gazetı yazğança Kanada häm AQŞtağı rekord däräcädäge êsselär arqasında 480 keşe yaqtı dön’yadan kitte.

“Elquds elarabi” basması xäbär itkänçä Ğıyraq prem’yer-ministrı Mostafa Êl Kazımi Ğıyraqnı regional’ häm xalıqara bäreleşlär arenasına äyländermäskä çaqırdı.  

Aljazeera beldergänçä qırıslıqnıñ artuı arqasında NATO köçlären Äfğanstannan çigendergännän soñ da küzläreneñ Äfğanstanda bulaçağın citkerde.

“Elraya” gazetı citkergänçä Qatar häm Berläşkän Millätlär Oyışması Fäläsindäge täraqqıyät’lärne söyläşte.

RBK xäbärenä kürä Rusiyädäge watandaşlar koronavirus oçraqlarınıñ artuı arqasında yaña uramğa çığu tıyuına qarşı.

RİA Novosti beldergänçä Rusiyädä êksport öçen qorallı keşesez hawa apparatı citeşterelä başlayaçaq.

TASS agentlığı citkergänçä Nijniy Novgorod töbägendä gaz şartlaw näticäsendä 3 keşe yaralandı.

“Tatar-inform” mäğlümat agentlığı beldergänçä kiçke yañğırdan soñ Qazannıñ qayber uramnarı su astında qaldı.



Bäyläneşle xäbärlär