Dön’ya matbuğatına küzätü 17.06.2021

Franŝuz telendä basıluçı “Le Monde” gazetı yazğança Franŝiyadä bügennän başlap bitlek mäcbürilege, yäkşämbe könennän başlap isä uramğa çığu tıyuı beterelä.  

“Le Figaro” basması citkergänçä Euro 2020 waqıtında Rim Olimpiada stadionı yanında bomba xäbäre alındı. İtaliyan mediasına kürä stadion yanındağı ber maşinadağı şartlatqıç yuqqa çığarıldı.

“Al-Quds Al-Arabi” gazetı beldergänçä yähüd bistälärendä yäşäwçelär Yordannıñ Könbatış üzänlegeneñ tön’yağındağı fälästinlelärneñ öylärenä höcüm itte.

Yordaniyada dön’ya kürüçe “Al-Dustour” basması xäbärenä kürä dön’yada êşläwçe balalar sanı arttı.

Al Jazeera xäbär itkänçä ber törkem namzätneñ kire çigenüenä qaramastan İrannıñ dini liderı Ali Xamaney ilbaşı saylawlarında qatnaşırğa çaqırdı.

Alman telendäge Bild.de xäbär säxifäsendä AQŞ ilbaşı Djo Baydennıñ süzläre urın ala: “Rusiyä däwlät başlığı Vladimir Putin yaña Salqın suğış telämi.”  

Spiegel.de internet säxifäse yazğança Germaniyada hind koronavirus oçraqları arttı. İldä yasalğan testlarnıñ 11%ında mutant virus tabıldı.   

Tagesschau.de xäbär säxifäse beldergänçä Germaniyaneñ Sälamätlek saqlaw ministrı kirägennän artıq bitlek alğanı öçen tänqıyt’länä.

İspaniyada çığuçı “La Vanguardia” gazetı citkergänçä Bryussel’ citäkçelege İspaniyaneñ 69 million yarım yevrolık qotqaru planına uñay qarıy.  

Lenta.ru xäbär säxifäse yazğança AQŞ ilbaşı Djo Bayden Rusiyä däwlät başlığı Vladimir Putin belän söyläşüen yaxşı häm uñay dip belderde.:

TASS agentlığı xäbär itkänçä Putin Bayden belän söyläşüendä Ukraina mäs’äläseneñ dä quzğatıluın äytte.

“İzvestiya” basması êlekke AQŞ ilbaşı Donal’d Trampnıñ Putin-Bayden oçraşuın ile cähatennän uñışsız buluın uylawın yaza.

“Tatar-inform” mäğlümat agentlığı beldergänçä Tatarstanda urmannarğa baru tıyıla. Tatarstanda urman fondı belän çiktäş territoriyalärdä 778 termik noqta häm yanğın çığunıñ 551 oçrağı terkälgän.