Dön’ya matbuğatına küzätü 10.06.2021

Deutsche Welle media oyışması beldergänçä Törkiyä ilbaşı Räcäp Tayyip Ärdoğan belän AQŞ däwlät başlığı Djo Bayden arasında 14 iyun’ könne Bryussel’da uzaçaq berençe söyläşügä äz waqıt qaldı. Änkara-Vaşington-Bryussel’ liniyasendä tarixi diplomatik söyläşü barışı uza.

Alman telendäge tagesschau.de xäbär säxifäse yazğança Germaniyaneñ Gesse vilayätendä yazışu törkemnärendä rasaçılıqnıñ buluı şöbhäse belän 20 poliŝiya xezmätkäreneñ öyläre häm êş urınnarında êzläw başqarıldı.

Handelsblatt.com internet säxifäse citkergänçä dön’yanıñ iñ zur avtomobil’ citeşterüçese Bosch Germaniyada avtomobil’lär öçen 1 milliard yevrolık investiŝiya belän çip yasaw êşxanäse qordı.

France 24 televideniyese xäbärenä kürä Franŝiya ilbaşı Êmmanuêl’ Makronnı yañaqlaw ildä bülenügä kiterde.

“Le Matin” gazetı yazğança Şveyŝariyaneñ Jeneva şähärendä bizgäk oçraqları arttı.

Al Jazeera xäbär itkänçä yawlaw astındağı Fälästin cirlärendä yähüdlärneñ provokaŝiyaläre üsä häm Vaşington citäkçelege tınıçlıqqa çaqıra.

Al Jazeera citkergänçä Süriyäneñ Xaseke töbägendä patrul’ maşinasın maqsat itep alğan şartlawda ber rus ğaskäriye ülde, 3 ğaskäri yaralandı.

Qatarda çığuçı “Al-Raya” basması beldergänçä Fälästindäge Berläşkän Millätlär Oyışmasınıñ Humanitar yärdäm koordinatorı Lin Gastings xalıqara oyışmalarnı Ğazzä xalqına kübräk yärdäm kürsätergä çaqırdı.

İspaniyaneñ “El Mundo” gazetı xäbärenä kürä İspaniyada belgeçlär şaqtıy keşeneñ koronavirusnı simptomsız ütkärüenä bulışuçı gen taptı.

Rus telendäge Gazeta.Ru xäbär säxifäse yazğança Rusiyä belän Törkiyä arasındağı oçışlar iyul’dä başlana ala.

“Komsomolskaya Pravda” basması Rusiyä ilbaşı Vladimir Putinnıñ süzlären uquçıları belän urtaqlaşa: “Ukraina däwlät başlığı Vladimir Zelenskiy belän küp närsä söyläşäse bar. Rusiyä belän Ukraina arasındağı mönäsäbätlärdä şaqtıy problema cıyıldı.”

“Rossiyskaya gazeta” citkergänçä Mäskäw şähäre mäxkämäse rus oppoziŝiyaçel’ Aleksey Naval’nıy tarafınnan kontrol’ itelüçe fondlarnı êkstremis iğlan itep, beterde. 

“Tatar-inform” mäğlümat agentlığı beldergänçä Ufada Väsilä Fättaxova istälegenä konŝert bulaçaq.