Dön’ya matbuğatına küzätü 04.05.2021

4nçe may könne çıqqan qayner çit il matbuğat çaralarına küzätü

1633503
Dön’ya matbuğatına küzätü 04.05.2021

Yordaniyäneñ “el-Düstur” gazetı yazğança, İzrail diñgez quätläre köymäläre Fälästinneñ Ğazzä şähäre sulıqlarındağı balıqçılarğa ut açıp höcüm itte.

Tağın ber ğaräp gazetı “el-Quds el-Arabi” citkergänçä, Amerika Quşma Ştatları üzäk küzläw oyışmasınıñ Virdjiniya ştatındağı ştabına kerergä mataşuçılar totqarlandı.

Katarnıñ “el-Raye el-Qatariyye” gazetı Ğıyraqta AQŞ xärbiläre toruçı ber bazağa raketalı höcüm yasaluı xaqında xäbär itä.

Franśiyäneñ “Le Monde” gazetı yazğança, AQŞ ilbaşı Djo Bayden, tänqıyt’läwlärdän soñ, ilgä qabul iteläçäk migrant sanın 62 meñ 500gä citkerde.

Şul uq ilneñ “Le Figaro” gazetı Kovid-19nıñ laboratoriyädän çığu mömkinlegeneñ qabat kön üzägendä buluın citkerä.

İspaniyäneñ “El Pais” gazetı yazğança, ildä Kovid-19 vakśinalaştıruında berençe maqsatqa ireşelde: 5 million keşegä 2 doza da qadaldı.

Venesuêlanıñ “Telesur” matbuğat çarası citkergänçä, AQŞ êlekkege ilbaşı Donal’d Tramp çorında ayırılğan migrant ğailälären qabat qawıştıra.

Germaniyäneñ Welt.de säxifäse Myünxen şähärendä uzdırıluçı mäşhür Oktoberfestnıñ Kovid-19 çikläwläre säbäple bıyıl da bulmayaçağın xäbär itä.

“Süddeutsche Zeitung” gazetı yazğança, Germaniya xökümäte koronavirusqa qarşı vakśina yasatuçılar öçen iskärmälär planlaştıra.

Rusiyäneñ TASS agentlığı citkergänçä, Ärmänstan prokuraturası däwlät başlığınıñ ike watandaşlığı bulu nisbätennän däğ’wa açtı. Armen Sarkisyan Angliyä watandaşı da buluın yäşergän.

“Tatar-inform” mäğ’lümat agentlığı xäbär itkänçä, Kamal teatrı yaña orkestr belän yañartılğan repertuar konśertına çaqıra.



Bäyläneşle xäbärlär