Дөнья мaтбугaтынa күзәтү - Dön’ya matbuğatına küzätü 20.04.2021

Tagesschau.de: Awrupa Berlegennän M’yanmadağı tüntäreleşçelärgä östämä sankśiyälär.

Frankfurter Allgemeine Zeitung: Germaniyanıñ Hanau şähärendäge rasaçı höcümdä üterelgän (çığışı belän Rumıniyadan bulğan 22 yäşendäge Vili) Pãunğa höcüm tönendäge qıyulığı öçen "Grajdanlıq batırlığı medale” birelde.

“WDR” radiosı: Germaniyanıñ “Yäşillär” partiyasınıñ kanśler namzäte partiyanıñ räistäşe Annalena Baerbock buldı.

Eldustour: İzrail belän mönäsäbätläre (İran atom-töş kileşüe belän bäyle) Vena söyläşülärenä täêsir itmi, AQŞnıñ İran belän kileşüe yaqın.

Elqudus Elarabi: Qatar Ämire, Livanğa yaqlawın täqrarlap, säyäsi taraflarnı xökümät tözüne tizlätergä çaqırdı.

Aljazeera: Sudan İzrailne boykot itü qanunın räsmi räweştä ğamäldän çığardı.

Le Monde: Franśiyağa qarşı toyğışarnıñ Paqıstanda yañadan artu säbäplärennän berse - Franśiyanıñ (İslamnı häm Xäzräti Möxämmädne maqsat itep alğan) karikaturalar mäs’äläsendäge totışı.

Le Figaro: Ênergiya belän bäyle CO2 (uglerod) çığarıluınıñ 2021nçe yılda bik nıq artuı kötelä.

France 24: Ruanda genośidı: (Ruanda başqalası) Kigali tarafınnan äzerlängän xisap Franśiyanıñ genośidta “zur cawaplılığı” buluın kürsätä.

Infobae (Argentina): Rusiyädä ütkärelgän tikşerenügä kürä, “Sputnik V” vakśinası 97,6%  êffektivlıq külämenä iyä.

Telesur (Venesuêla): Venesuêla Berläşkän Millätlär Oyışması belän azıq-tölek yärdäm kileşüen imzaladı

Prensa Latina (Kuba): (Argentina başqalası) Buenos Airesta uqıtuçılar turıdan-turı uqıtuğa qarşı êş taşlaw çarasın ütkärä.

RİA Novosti: Amerika Quşma Ştatlarınıñ yaña sankśiya qararı arqasında Rusiyä tışqı êşlär ministrlığı Waşingtonğa qaytırğa kiñäş itkän ilçe John Sullivan Mäskäwdän kitüne kire qaqtı.

TASS: Çexiya baş ministr urınbasarı, êçke êşlär ministrı häm tışqı êşlär ministrı wäkile Yan Hamasek Awrupa Berlege häm NATOdağı berlektäşläreneñ Rusiyä küzläw wazıyfalıların ildän çığarıp cibärülärenä şat bulaçaqların äytte.

Lenta.ru: Awrupa Şurası parlamentariylär assambleyası Rusiyä oppoziśionerı Aleksey Navalnıynıñ irekkä cibärelüen häm üzenä mediśina yärdämeneñ täêmin itelüen taläp itte.

Tatarstannıñ “Tatar-inform” agentlığı Rusiyä Federaśiyäseneñ Penza yaqlarında Ädhäm Tenişevneñ tuuına 100 yıl tulu uñayınnan konferenśiyaneñ uzaçağın xäbär itä. Agentlıq beldergänçä, ildä tyurkologiya mäktäbenä nigez saluçı ğalimgä bağışlanğan çara “Tarixi miras kontekstında mädäniyät telläre” dip atala.