Dön’ya matbuğaına küzätü 12.04.2021

Qatarda basıluçı “Al-Raya” gazetı Liviyaneñ İlbaşı idaräse Şurası başlığı Möxämmäd el-Menfineñ tübändäge süzlären citkerä: “Törkiyä belän urtaq mänfäğat’lärne saqlayaçaqbız.”   

Yordaniyaneñ “Al-Dustour” basması beldergänçä xisaplar İzrailneñ kiber höcüm belän İran atom-töş reaktorı Natanznı maqsat itep aluın kürsätä.

“Al-Quds Al-Arabi” gazetı yazğança Yordaniyaneñ könbatışında ber tunnel’neñ işelüe näticäsendä 1 keşe ülde, 6 keşe yaralandı.  

Şul uq gazet xäbär itkänçä Amerika Quşma Ştatlarınıñ êlekke Ğadälät ministrı häm Ğıyraqnıñ bärep töşerelgän liderı Saddam Xösäyenneñ advokatı Rêmsi Klark yaqtı dön’yadan kitte.

Franŝiyada çığuçı “Le Monde” basması citkergänçä Parij Cämiğı Ramazan ayınıñ Franŝiyada sişämbe könne başlanaçağın açıqladı.

Şul uq ilneñ “Le Figaro” gazetı beldergänçä 7 katolik din êşleklese Gaitida urlandı.

Venesuêlanıñ “TeleSur” basması xäbärenä kürä Êkvadorda ilbaşı saylawınıñ ikençe turında 52,52% tawış cıyğan uñçı Guillermo Lasso ciñü yawladı.

Deutsche Welle media oyışması beldergänçä Robert Kox İnstitutı açıqlağan mäğlümatlarğa kürä Germaniyada xalıq sanınıñ 15%ına berençe doza vakŝina yasaldı. İkençe dozanı qadatuçılar küläme isä – 5,9%.

RIA Novosti agentlığı citkergänçä Ukraina Donbassta höcüm planlamıy. Kiyev citäkçelege tınıçlıqnıñ barı tik söyläşülär yärdämendä urnaştırıla alınaçağına ışana.  

“Kommersant” gazetı Rusiyäneñ Federal’ Ğaläm agentlığı Roskosmos başlığı Dmitriy Rogozinnıñ süzlären uquçıları belän urtaqlaşa: “Rusiyä ğaläm industriyase bik möhim üzläreşlär yulında.”

Rus telendäge Lenta.ru xäbär säxifäse yazğança törek räsmi zatları ildä turizm sezonı başlanaçaq may urtasına qadär Kovid-19 kizüen kontrol’ astına alunı planlıy.  

“Tatar-inform” mäğlümat agentlığı xäbärenä kürä Tatarstan möftiye itep qabat Qamil xäzrät Sämiğullin saylandı.