Dön’ya matbuğatına küzätü 07.04.2021

7nçe aprel' könne çıqqan qayber çit il matbuğat çaralarına küzätü

1616328
Dön’ya matbuğatına küzätü 07.04.2021

Franśiyäneñ “Le Monde” gazetı yazğança, koronavirusqa qadär bulğan tormışqa kire qaytu, vakśinalaştıruğa qaramastan, bik bäxäsle mäs’älä.

“Le Figaro” gazetı Parij mêrı Ann İdal’gonıñ qaladağı pıçraqlıqqa qarata berni êşlämäwdä ğayeplänüen citkerä.

France 24 kanalı Awrupa Berlege liderlarınıñ ike aradağı kiyerenkelekne kimetü öçen Törkiyägä kilüe xaqında xäbär itä.

Germaniyäneñ “Frankfurter Allgemeine Zeitung” gazetında yazılğança, Awrupa farmaśevtika agentlığı EMA AstraZeneka vakśinası belän qan quyıru oçraqları arasında bäyläneş barlığın belderde.

Avstriyäneñ “Salzburger Nachrichten” gazetı İran belän AQŞnıñ Venada atom-töş kileşüen qotqaru öçen söyläşülär başlawın citkerä.

Argentinanıñ “Infobae” gazetı yazğança, Böyekbritaniyädä qan quyıru oçraqların tikşerü barğan arada, Oksford universitetı AstraZeneka vakśinasın balalarda sınawnı tuqtatı.

Venesuêlanıñ “ Telesur” mäğ’lümat çarası 190 däwlättä Kovid-19ğa qarşı vakśinalaştıru başlanuın citkerä

Ğaräp telle “Al jazeera” kanalı xäbä ritkänçä, İzrail Qızıl diñgezdä İran korabına atuların belderde.

Yordaniyäneñ “Al dastour” gazetı AQŞnıñ atom-töş kileşüenä kire qaytu öçen sankśiyälärne yomşartırğa täq’dim itüen, ä İrannıñ çikläwlärne bötenläy betererğä çaqıruın belderä.

 Gazetem.ru säxifäse citkergänçä, Kreml’ süzçese Peskov Ukrainanıñ, NATOğa kersä, bülgälänäçägen belderde.

Rusiyäneñ TASS agentlığı yazğança,Zoom şirkäte programmasınıñ Rusiyä däwlät oyışmaları tarafınnan qullanıluın çikläde.



Bäyläneşle xäbärlär