Dön’ya matbuğatına küzätü 25.02.2021

Qayber çit il basmalarına küzätü

1590404
Dön’ya matbuğatına küzätü 25.02.2021

“Le Soir” gazetı yazğança kiçä Bel’giya yarlarına turistlar ağıldı. Şähär xaqimiyäte başlıqları monıñ qabul itelmäslek buluın citkerä.

“Le Figaro” basması beldergänçä Şveyŝariyada 1 marttan başlap KOvid-19 çaraları qısalarında yabıq bulğan kibetlär, muzey häm sport qorılmaları belän ber rättän şaqtıy urınnıñ äkrenläp açılaçağın citkerde.  

Deutsche Welle media oyışması xäbärenä kürä Alman xökümäte üz-üzeñä yasap bula torğan Kovid-19 testın rasladı.

Alman telendäge Spiegel.de xäbär säxifäse yazğança Germaniyada yaqınça 21 million keşe koronaviruska qarşı yuğarı risk törkemendä.

ard.de internet säxifäse beldergänçä Amerika Quşma Ştatlarınıñ Kaliforniya ştatında mutant koronavirus tabıldı.

İspaniyaneñ “El País” gazetı citkergänçä İspaniya Sälamätlek saqlaw ministrlığınnan 8 Mart kisätüe yasaldı: xökümät Xalıqara xatın-qızlar köne uñayınnan Madridta 500dän artıq keşeneñ cıyıluın tıydı.   

“Al-Quds Al-Arabi” basması xäbär itkänçä üterelgän jurnalist Cemal Kaşıkçı xisabı bügen açıqlana ala häm AQŞ ilbaşı Djo Bayden bügen Soğud Ğaräbstanı patşası Sälman bin Abdulaziz el-Suudka şaltırataçaq.  

“Al-Quds Al-Arabi” gazetı “The New York Times” basması xäbärenä urın birä. Xäbärgä kürä Süriyädä fäqıyr’lek bik artqan. İldä xatın-qızlar çäçlären kisep, sata. Süriyä ilbaşı Bäşar Äsäd problemağa çişeleş bularaq zäñgär êkrannardağı aş-su tapşıruların beterde.

TASS xäbär agentlığı citkergänçä Rusiyä däwlät saqlanu sänägäte şirkäte Rostexnıñ ğomüm mödire Sergey Çemezov Rusiyäneñ S-400 saqlanu sistemasın Törkiyägä satuınıñ qalğan NATO illäreneñ iminlegenä zarar birmäwen äytte.

“İzvestiya” basması yazğança Rusiyä tışqı êşlär ministr yärdämçese Sergey Ryabkov Rusiyäneñ dollarğa bäylelegen azaytuı kiräklegen äytte.  

“Tatar-inform” mäğlümat agetlığı beldergänçä Röstäm Miñnexanov Qazanda tatarça uqığan balalar sanınıñ kimüen iskärtte. “Bügen tatar milläte balalarınıñ 19%ı ğına tatarça uqıy, 4 yıl êlek 26% bulğan,” – dide däwlät başlığı.



Bäyläneşle xäbärlär