Dön’ya matbuğatına küzätü 24.02.2021

24nçe fevral' könne çıqqan qayber çit il matbuğat çaralarına küzätü

1589760
Dön’ya matbuğatına küzätü 24.02.2021

Nemeś telendäge “Deutsche Welle” gazetı yazğança, Törkiyä Êgey diñgezendä tikşerenü uzdıruçı korabınıñ Greśiyä oçqıçları tarafınnan êzärleklänüen belderde.

DiePresse.com säxifäse Germaniyä xärbi küzläw xezmäte xisabındağı mäğ’lümatlarnı citkerä. Anda äytelgänçä, ilneñ armiyäse êçendä çiktän tış uñçı buluı şöbhälänep tikşerelgän oçraqlar artqan.

Tagesschau.de säxifäse yazğança, Germaniyädä federal’ xökümät häm töbäklär vakśina çiratında uqıtuçılarğa östenlek birü mäs’äläsendä kileşte.

Yordaniyäneñ “Al-Dustour” matbuğat çarası İrannıñ ob’yektlarda maxsus kontrol’ röxsäte birüçe atom-töş kileşüeneñ östämä protokolınnan çığuın citkerä.

AL Jazeera kanalı AQŞ ilbaşı Djo Bayden häm Ğıyraq xökümäte räise Mostafa Äl-Kazeminıñ berençe telefon söyläşüendä raketa höcümnären tuqtatu häm DEAŞ belän suğışunı däwam itü turında fiker alışuın belderä.

Franśiyäneñ “Le Figaro” gazetı citkergänçä, koronavirus yoqtıru oçraqları urtaçadan 4 tapqır kübräk bulğan Dyunkerk şähärendä yaña çikläwlär kertelergä mömkin.

Franśiyäneñ “Le Monde”  gazetı 500 meñ franśuznıñ awıruları turındağı mäğ’lümatlarınıñ internetqa çığuı turında yaza.

İspaniyäneñ “El Mundo” gazetı citkergänçä, ilneñ iñ bay ike êşmäkäre 85 yäş’lek Amansio Ortega häm 71 yäş’lek Fernando Roig ber ük waqıtta ber ük awırlıqlar belän oçraşa. Alar Kovid-19 kiterep çığarğan iq’tisadi krizistan qotılu häm internettan satu artqan zamanda kibetlärendä êşläwçe yaqınça 140 meñ xezmätkärne saqlap qalu öçen çara êzli.

Venesuêlanıñ TeleSur mäğ’lümat çarası xäbärenä qarağanda, Êkvador törmälärendä bulğan fetnälär näticäsendä ülüçe mäxkümnär sanı 75kä citte.

“Kommersant” gazetı Rusiyäneñ däwlät burıçınıñ 2020nçe yılda 40%qa artuın belderä.

Rus telendäge “Vedomosti”  xäbär säxifäse yazğança, Ärmänstan xökümäte räise Nikol’ Paşin’yan soñğı Qarabax suğışında Rusiyä çığarğan “İskändär” raketalarınıñ êşkä yaramawın äytte.

Lenta.ru xäbär säxifäse Rusiyä xakerları tarafınnan Orion dip ataluçı programma yärdämendä yasaluı farazlanuçı kiber-höcümnärdä 100 Amerika şirkäte häm 9 oyışmanıñ zarar kürüen citkerä.

“Tatar-inform” mäğ’lümat agentlığı xäbär itkänçä, Mäskäwdä yäşäwçe tatar yäş’läre Tatarstandağı millättäşlärenä videomöräcäğat’ äzerläde.



Bäyläneşle xäbärlär