Dönya matbuğatına küzätü 10.02.2021

“ӓl-Quds ӓl-Arabi” gazetı yazğança,Amerika Quşma Ştatları  senatı ӓğ’zalarınıň küpçelege êlekke ilbaşı Donal’d Trampnıň xökemgӓ tartıluın konstituśion dip sanıy.

“ӓl-Quds ӓl-Arabi “basması Böyekbritan parlamentariyları İzrailgӓ Qudüstӓge fӓlӓstinlelӓrne öylӓrennӓn “mӓcbüri êvakuaśiyӓlӓw”ne tuqtatırğa quşa dip yaza.

“ӓl-Raye ӓl-Qatariyye” gazetı Törkiyӓneň Farsı qultığındağı tınıçlıqnı yaqlawın citkerӓ.

“Deutsche Welle” media oyışması xӓbӓr itkӓnçӓ, kanśler Angela Merkel Germaniyӓdӓ 14 nçe fevral’gӓ qadӓr ğamӓldӓ bulğan Kovid -19 belӓn körӓş çaraların 1 nçe martqa qadӓr ozaytırğa teli.  

“Tagesschau.de” sӓxifӓse beldergӓnçӓ, rӓsmi mӓğ’lümatlarğa kürӓ Germaniyanıň uzğan yılğı êksportı annan êlekke yıl belӓn çağıştırğanda 9 %qa kimegӓn.

“FAZ.net” citkergӓnçӓ, Awrupa Berlege komissiyӓse 300 million doza östӓmӓ “Pfizer” vakśinasına zakaz birgӓn.

“La Vanguardia” basması İspaniya sӓlamӓtlek saqlaw ministrlığı “Astrazeneka” vakśinasın yasatu öçen östenlekle törkemnӓrne bilgelӓde dip yaza. Ğaskӓrlӓr, poliśiya xezmӓtkӓrlӓre, uqıtuçılarğa berençe çiratta privivka yasalaçaq.

“El País” gazetı yazğança, İspaniya üzӓk bankı hӓm milli qıymmӓtle kӓğӓz’lӓr bazarı komissiyӓse kriptogrammalarnıň “yuğarı qurqınıçı” turında kisӓtte.

“Infobae “ basması Venesuêla dӓwlӓt başlığı Nikolas Maduro berençe 100 meň Rusiya vakśinasınıň kilӓse atnada ilgӓ kilӓçӓgen belderde dip yaza.

“ RİA Novosti” xӓbӓr agentlığı citkergӓnçӓ, Rusiya Federaśiyӓse tışqı êşlӓr ministrı Sergey Lavrov ileneň küp qotıplı dönya sistemasınıň iň möhim garantlarınnan berse buluın belderde. 

“Lenta.ru” Awrupa Berlege Rusiyӓgӓ qağılışlı möhim qarar qabul itӓ dip citkerӓ. Awrupa Berlegeneň tışqı mönӓsӓbӓtlӓr hӓm iminlek sӓyӓsӓte yuğarı wӓkile Jozep Borrel’ Bryussel’ Mӓskӓw belӓn mönӓsӓbӓtlӓrendӓ “tarixi yul çatında” dip belderde. Ul berlekneň xezmӓttӓşlekne yӓisӓ  qapma - qarşı torunı saylayaçağın ӓytte.

 “İzvestiya” gazetı yazğança, Rusiya tışqı êşlӓr ministrlığı Vladivostoktağı AQŞ konsullığı yazda yabılırğa mömkin dip belderde. 

“Le Monde” basması Franśiyada sӓlamӓtlek torışına qağılışlı ğadӓttӓn tış xӓlneň 1 nçe iyün’gӓ qadӓr ozaytıluın citkerӓ.

“Le Soir” gazetı  Yӓmӓndӓ Bel’giyӓdӓ yasalğan yaňa qorallar tabıluın xӓbӓr itӓ.