Dön’ya matbuğatına küzätü- 21.01.2021

21nçe ğıynvar könne çıqqan qayber çit il matbuğatı çaralarına küzätü

1568204
Dön’ya matbuğatına küzätü- 21.01.2021

Nemeś telendäge zdf.de säxifäse citkergänçä, Germaniyä ilbaşı Frank-Uolter Ştaynmayer AQŞ däwlät başlığı Djo Baydennıñ wazıyfasına kereşüenä söyenüen belderde.

Germaniyäneñ “Deutsche Welle” gazetası yazğança, ildä ata çebilärne üterü tıyılaçaq.

İspaniyäneñ “La Vanguardia” gazetı başqala Madridta bulğan şartlawda kimendä 3 keşeneñ ğomere özelüen xäbär itä.

Şul uq ilneñ “El País” gazetı yazğança, AQŞnıñ yaña ilbaşı Djo Bayden barlıq amerikalılarnı här närsäne yaña baştan başlarğa çaqırdı.

 “Le Parisien” gazetı xäbär itkänçä, Franśiyä Awrupa Berlege illärennän kilüçe yulçılarnıñ Kovid-19 testların mäcbüri itärgä uylıy.

Şul uq ilneñ “Le Monde” gazetı citkergänçä, parlament sälamätlek saqlaw tarmağındağı ğadättän tış xälne ozaytunı rasladı.

Ğaräp telle “Al Jazeera” kanalı beldergänçä, AQŞtağı inauguraśiyädän soñ İzrail xökümäte räise Netan’yaxu yaña ilbaşı Baydennı İranğa qarşı torırğa öndi, Awrupa Aq Yorttağı “dustın” sälamli häm Fälästin liderı Mäxmüt Abbas tınıçlıq tözergä teli.

“Al-Quds Al-Arabi” citkergänçä, AQŞnıñ êlekkege ilbaşı Donal’d Tramp almaşçısı Bayden wazıyfağa kereşergä 1 säğat’ qalğanda Berläşkän Ğaräp Ämirlekläre faydasına zur qoral kileşüe imzaladı.

 “Al-Raya” gazetı xäbär itkänçä, Misır Katar belän diplomatik mönäsäbätlären qabat başlawın citkerde.

Rusiyneñ “Kommersant” gazetı yazğança, 2020nçe yılda Rusiyägä kilüçe çit il keşeläre sanı, 2019 belän çağıştırğanda, 70%qa kimede.

“RİA Novosti” agentlığı NASAnıñ Rusiyädäge wäkillekläre sanın azaytırğa teläwe turında citkerä.

Russia Today kanalı Poskomnadzornıñ sośial’ çeltär Vkontakteda qulğa alınğan oppoziśioner Aleksey Naval’nıynı irekkä çığaru öçen oyıştırılğan protestlarda qatnaşırğa çaqırularnı beterergä taläp itüen citkerä.

Tatarstannıñ “Tatar-inform” mäğ’lümat agentlığı citkergänçä, tarixçı Bulat Soltanbäkov wafat. Aña 92 yäş’ ide.



Bäyläneşle xäbärlär