Dön’ya matbuğatına küzätü 20.01.2021

Nemeś telendäge n-tv kanalı xäbär itkänçä, Germaniyädä federal’ xökümät häm töbäk xakimiyätläre qatnaşında uzğan koronavirus sammitında yabılu waqıtı 14nçe fevral’gä qadär ozaytıldı häm bitlek kiyü mäcbüriyäte qatğıylaştırıldı.

“Süddeutsche Zeitung” gazetı yazğança, Xalıqara valyuta fondı Germaniyäneñ üseş farazların tağın ber qat töşerde.

“Frankfurter Allgemeine Zeitung” gazetı yazğança, AQŞ däwlät särqatibe Mayk Pompeo Qıtaynı uyğurlarğa genośid oyıştıruda ğayepläde.

Ğaräp telle “Al Jazeera” kanalı AQŞ ilbaşı Donal’d Trampnıñ xuşlaşu çığışında “Suğış başlamağan berençe Amerika ilbaşı – min” diyüen citkerä.

“Al-Quds Al-Arabi” gazetı bügen Djo Baydennıñ AQŞta 46nçı ilbaşı bularaq wazıyfasına kereşäçägen xäbär itä.

Yordaniyäneñ “Al-Dustour” matbuğat çarası yazğança, BMO ğomum särqatibe Antonio Guterriş: “Basıp alınğan Fälästin cirlärendä toraq punktlar tözelü xalıqara xoquqnı açıqtan-açıq bozu,”-dide.

 İspaniyäneñ “El País” gazetı citkergänçä, mart ayınnan başlap 70 yäş’tän ölkän 6 millionnan artıq keşe Kovid-19 vakśinası qadataçaq.

Argentinanıñ “Infobae” mäğ’lümat çarası yazğança, Rusiyä EpiVacCorona  vakśinasınıñ Kovid-19ğa qarşı 100% täêsirle buluın belderde.

Kubanıñ “Prensa Latina” gazetı Panamağa Kovid-19ğa qarşı Pfayzer-Biontex vakśinalarnıñ berençe partiyäläreneñ kilep citüe turında yaza.

Franśiyäneñ “Le Monde” gazetı citkergänçä, Awrupada motorlı transport säbäple pıçranğan hawa kiterep çığarğan ülemnär iñ küp terkälgän şähär – Parij.

“Le Matin” gazetı Kovid-19nıñ Şveyśariyädä här 1 meñ keşedän berseneñ ülemenä kiterüen yaza.

Rusiyäneñ TASS agentlığı xäbär itkänçä, AQŞ däwlät särqatibenä kandidat Êntoni Blinken Törkiyäneñ Rusiyädän S-400 saqlanu sistemaları satıp aluınıñ qabul itelmäs buluın belderde.

“Tatar-inform” mäğ’lümat agentlığı Tatarstan başqalası Qazanda berençe onlayn-mädräsä täq’dim itelüen citkerä.