Dön’ya matbuğatına küzätü 18.01.2021

Qayber çit il basmalarına küzätü

1565763
Dön’ya matbuğatına küzätü 18.01.2021

Qatarda basıluçı “Al-Raya Al-Katariya” gazetı yazğança Soğud Ğarästanı Qatar belän diplomatik mönäsäbätlären qabat canlandıra.

Omanda çığuçı “VATAN” basması beldergänçä Amerika Quşma Ştatlarında ütkärelgän ber tikşerenügä kürä depressiya häm stres organizmnıñ vakŝinağa reakŝiyasen zäğıyf’lätä.

Livanda dön’ya kürüçe “El-Mustakbal” gazetı citkergänçä Berläşkän Ğaräp Ämirlekläreneñ Rusiyädäge ilçese yaqtı dön’yadan kitte.

Franŝiyaneñ “Le Parisien” basması ilbaşı Êmmanuêl’ Makronnıñ bügen Franŝiya İslam Şurasın qabul itäçägen yaza.

Bel’giyada çığuçı “Le Soir” gazetı xäbärenä kürä Angliyada kürelgän mutant virus oçraqları küzätelgännän soñ Flamand töbägendä şaqtıy mäktäp yabıldı.  

Argenatinanıñ “Infobae” xäbär säxifäse belgeçlärneñ tübändäge kisätüenä urın birä: “Pandemiya - xäzergä qadär kürelgän iñ agressiv soŝial’ stress faktorı.”

Deutsche Welle media oyışması beldergänçä AQŞtağı ilbaşı saylawında ciñü yawlağan Djo Bayden wazıyfağa kilgän könne ük möselman il watandaşlarına säyäxät tıyuın beteräçäk.

Alman telendäge Welt.de internet säxifäse citkergänçä şimbä könne alman xökümäte häm vilayät’lär koronavirus çaraların bäxäsläşäçäk. Çaralarnıñ tağın da qırıslaşuı kötelä.

Rusiyäneñ TASS xäbär agentlığı Aleksey Naval’nıynıñ Mäskäwdäge Şeremet’yevo aêroportında qulğa alınuın belderä.

Kommersant.ru xäbär säxifäse yazğança Rusiyä bügen kümäk vakŝinaŝiyaläw êtabın başlata. Privivka yasatırğa teläwçelär ike vakŝina Sputnik V häm EpiVacCoronanı saylıy alaçaq.

RİA Novosti xäbär itkänçä rus senator Aleksey Puşkov AQŞta wazıyfağa kiläçäk Djo Bayden çorında AQŞnıñ Ukrainanı Rusiyägä qarşı tağın da kübräk qullanaçağı häm Rusiyä-AQŞ mönäsäbätläreneñ tağın da naçarayaçağın küzallıy.

Tatar-inform mäğlümat agentlığı beldergänçä “Aq Bars” xokkeyçıları ber alqa da kerttermiçä Tübän Novgorod komandasın ottı.



Bäyläneşle xäbärlär