Dön’ya matbuğatına küzätü 28.12. 2020

28nçe dekabr'dä çıqqan qayber çit il matbuğatı çaralarına küzätü

1553146
Dön’ya matbuğatına küzätü 28.12. 2020

Nemeś telendäge zdf.de säxifäse citkergänçä, Germaniyädä il tarixındağı iñ zur vakśinalaştıru kampaniyäse başlandı.

Deutsche Welle gazetı yazğança,  Germaniyä tışqı êşlär ministrı Zeexover yaña yılda Süriyägä deportaśiyä başlanaçağın äytte.

Yordaniyäneñ “el-Düstur” gazetı xäbär itkänçä, İzrail 2015nçe yılda global’ köçlär belän İran arasında tözelgän atom-töş kileşüenä kire qaytuğa qatğıy qarşı çığa.

Angliyädä çığuçı ğaräp gazetı “el-Quds el-Arabi” Yevropolnıñ yalğan vakśina ixtimalı xaqında kisätüen citkerä.

“el-Raye el-Qatariyye” gazetı xäbär itkänçä, Katar Farsı qultığındağı ğaräp däwlätläre xezmättäşlege şurası sammitınıñ äzerlek utırışında qatnaşa.

İspaniyäneñ “El País” gazetı yazğança, ildä Kovid-19 vakśinasın berençelärdän bulıp yasatqan 96 yäş’lek xatın-qız  Araseli İdal’gonıñ berençe süzläre: “Virus bezdän yıraq toraçaqmı, kürerbez,”-bula.

 Meksikanıñ “El Universal” gazetı AQŞ ilbaşı Donal’d Trampnıñ kizü kitergän zarar belän köräşü öçen 900 milliard dollarlıq yärdäm paketın raslawın yaza.

“France 24” kanalı Bella dawılınıñ Franśiyädä meñnärçä yortnı utsız qaldıruın citkerä.

“Le Monde” gazetası xäbär itkänçä, Franśiyädä yaqınça 20 pensioner häm qartlarnı qarawçığa vakśina yasaldı.

Rusiyäneñ Lenta.ru säxifäse yazğança, AQŞ Rusiyäneñ yoğıntısın häm demokratik institutlarğa ışanıçnı kimetü omtılışların yuqqa çığaru öçen byudjettan 290 million dollar aqça büläçäk.

RİA Novosti xäbär itkäñçä, Rusiyä regionda totrıqlılıq urnaştıru öçen Ayn İsa şähärçegenä östämä köçlär cibäräçäk.

“Tatar-inform” mäğ’lümat agentlığı citkergänçä¸ tatar jurnalistı, cämäğat’ êşleklese Rafaêl’ Sal’muşev wafat. Ul koronavirus yoqtırğan bulğan.



Bäyläneşle xäbärlär