Dön’ya matbuğatına küzätü 07.12.2020

7nçe dekabr' könne çıqqan qayber çit il matbuğat çaralarına küzätü

1540881
Dön’ya matbuğatına küzätü 07.12.2020

Germaniyäneñ “Deutsche Welle” gazetı Törkiyäneñ Qara diñgezdä borawlaw êşçänlegen kiñäytüe turında yaza.

Şul uq ilneñ Tagesschau.de säxifäse citkergänçä, ilneñ Bav’yera töbäk xökümäte koronavirus yoqtıru oçraqları artqannan soñ yaña ğadättän tış xäl iğ’lan itte. 9nçı dekabr’dän başlap uramğa çığuda tıyular kerteläçäk.

Finanzen.net xäbär säxifäse yazğança, Germaniyäneñ koronavirus pandemiyäsennän nıq zarar kürgän iñ zur hawa yulı şirkäte Lufthansa yıl axırına qadär 29 meñ keşene êştän çığarırğa planlaştıra.

Yordaniyäneñ “Al-Dustour” matbuğat çarası citkergänçä, saylaw näticäläre bilgele bulğannan soñ Kuveyt ämire xökümätneñ wazıyfadan kitüen qabul itte.

Şul uq gazet AQŞtağı saylawlar turında da yaza. Yaña ilbaşı Djo Baydennıñ saylawda küpçelekne aluı räsmi bularaq belderelde. Donal’d Tramp ciñelüen kire qağuın däwam itä.  

Katarnıñ “Al-Raya” basması yazğança, Ğıyraq armiyäse Sincarda bernindi qorallı yäisä qoralsız köçneñ buluına yul quymayaçağın belderde.

İspaniyäneñ “La Vanguardia” gazetı citkergänçä, Kovid-19 vakśinasın dön’yağa taratu öçen 15 meñ oçış yasarğa kiräk.

Şul uq ilneñ “El Pais” gazetı citkergänçä, Urugvaynıñ êlekkege däwlät başlığı Tabare Vaskes 80 yäşendä baqıylıqqa küçte.

Rusiyäneñ “Lenta.ru” säxifäse xäbär itkänçä, N’yu-York-Mäskäw oçqıçınıñ barlıq yulçıları Djon Kennedi aêroportında totqarlandı. Rusiyä federaśiyäse konsullığı monıñ oçqıçta şartlatqıç matdä barlığına şöbhä tuu arqasında kilep çığuın belderde.

TASS agentlığı AQŞ xärbi oçqıçlarınıñ 2020nçe yılda Rusiyäneñ könbatış çiklärenä 10 tapqırdan artıq yaqınlaşuın citkerde.

Franśiyäneñ “Le Monde” gazetı “Tekä yar qırında toruçı London häm Brüssel’ “kileşüsez” çığunı buldırmaw öçen Breksit söyläşülären däwam itä” dip yaza.

Şul uq ilneñ “Le Figaro” gazetı Franśiyäneñ xökümät bilgelägän köndälek 5 meñ Kovid-19 oçrağı maqsatınnan yıraq buluın citkerä.

“Tatar-inform” mäğ’lümat agentlığı yazğança, Tatarstanda -26 gradus suıqlar kötelä.



Bäyläneşle xäbärlär