Dönya matbuğatına küzätü 30.11.2020

“Al-Raya” basması Törkiyӓ ilbaşı Rӓcӓp Tayyip Ӓrdoğannıň “Bӓysez Fӓlӓstin dӓwlӓte tözü öçen körӓşne dӓwam itӓçӓkbez” digӓn süzlӓren citkerӓ.

”Ӓl Cӓzirӓ” xӓbӓr itkӓnçӓ, AQŞta ilbaşı saylawında ciňelgӓn Donal’d Trampnıň kiňӓşçese Djeral’d Kuşner Soğud Ğarӓbstanı hӓm Katarğa sӓfӓr qılıp, Farsı qultığı krizisın çişü öçen soňğı omtılış yasadı.

“Al-Quds Al-Arabi” yazğança, Xusi törkeme Yӓmӓnneň könçığışında urnaşqan Marib töbӓgendӓge lager’ga oyıştırılğan raketa höcümendӓ 8 Soğud Ğarӓbstanı ğaskӓriyeneň üterelüen belderde.

“Le Soir” basması Amerika Quşma Ştatları ilbaşı Donal’d Trampnıň 3 nçe noyabr’dӓ ütkӓrelgӓn saylawda ciňelüennӓn soň tӓwge interv’yusınıň “Saylawda zur ayırma belӓn ciňügӓ ireştek” dip ataluın uquçıları belӓn urtaqlaşa.

“France 24” Argentina futbolçısı Diego Armando Maradonanıň üleme belӓn bӓyle tabıbınıň wayımsızlıq, iğ’tibarsızlıq arqasında keşe üterüdӓ ğayeplӓnüen citkerӓ.

“Le Monde” yazğança, şimbӓ könne Franśiya külӓmendӓ “Qurqınıçsızlıq” qanunına hӓm “Poliśiya zolımına” qarşı uzğan rizasızlıq belderü çaralarında 98 jandarmeriya hӓm poliśiya xezmӓtkӓre yaralanğan.

“dpa” citkergӓnçӓ, terror höcüme Ӓfganstandağı tınıçlıq söylӓşülӓrenӓ zıyan kiterde.

“Frankfurter Allgemeine Zeitung” Belarus’ta 9 nçı avgustta ütkӓrelgӓn ilbaşı saylawına protest belderü çaralarında 100 dӓn kübrӓk keşe saq astına alındı dip belderӓ.

“Deutsche Welle” xӓbӓr itkӓnçӓ,Montenegro hӓm Serbiya üzara tulı wӓqalӓtle ilçelӓren deportaśiyӓlӓde. 

“La Vanguardia” basması xastaxanӓlӓrdӓ koronavirustan ülemnӓr berençe dulqın belӓn çağıştırğanda 40%qa kimrӓk dip yaza.

“El Universal” beldergӓnçӓ, “AstraZeneca” vakśinası volontyerı üzenӓ vakśina kertelgӓnnӓn soň citdi nevrologik tӓêsirlӓr küzӓtelüen belderep,şirkӓtne ğayeplӓde.   

“Telesur” basması Venesuêla dӓwlӓt başlığı Nikolas Maduronıň xalıqnı 6 nçı dekabr’dӓ uzaçaq parlament saylawında qatnaşırğa çaqıruın citkerӓ.  

“RİA Novosti” agentlığı xӓbӓr itkӓnçӓ, Rusiya Qorallı Köçlӓre Xankendida qır xastaxanӓse açtı. Ul tınıçlıq köçenӓ mediśina xezmӓte kürsӓtӓçӓk hӓm şulay uq tınıç xalıq öçen dӓ açıq bulaçaq.  

“Lenta.ru” Rusiya universitetlarında uqığan, lӓkin çiklӓr yabıq bulu arqasında illӓrennӓn Rusiyӓgӓ kilӓ almağan çit il studentlarınıň uqu yortlarındağı terkӓlülӓre sörtelӓ başlağan dip belderӓ.

“Kommersant” gazetı pandemiya dӓwerendӓ Rusiya watandaşlarınıň 40%ı saf aqça qullanudan baş tarttı dip yaza.

“Tatar – inform” xӓbӓr itkӓnçӓ, Tatarstanda koronavirus infekśiyӓsennӓn tağın 2 ülem oçrağı terkӓlgӓn. Bügenge köndӓ respublikada koronavirus infekśiyӓsennӓn wafat buluçılar sanı 136 keşegӓ citkӓn.