Dön’ya matbuğatına küzätü 09.07.2020
Qayber çit il basmalarına atnalıq küzätü
zdf.de: Germaniya Kanślerı Angela Merkel Bel’giya başqalası Bryussel’dä yasağan çığışında korona krizisı aldında Awrupa illäreneñ berlek häm berdämlek êçendä xäräkät itüeneñ zarurlığına basım yasadı.
Deutsche Welle: Korona alman şirkätläreneñ çit illärdäge investiśiyälärenä dä zıyan saldı.
Welt.de: Süriyägä cibärelgän BMO humanitar yärdäm programmasınıñ waqıtı Rusiyäneñ häm Qıtaynıñ vetosı arqasında ozınaytıla alınmadı.
Al Quds Al Arabi: Törkiyä İlbaşı idaräse süzçese İbrahim Qalın Liviya xökümäten dekabr’ ayında qul quyılğan xärbi xezmättäşlek kileşüe qısalarında yaqlarğa däwam itäçäklären täqrarladı.
Al Jazeera: İzrail “Hamas”qa totqınnar belän almaşu mäs’äläsendä yaña täq’dim yasadı.
Al Jazeera: Qatar tışqı êşlär ministrı Şäyex Möxämmäd bin Abdul Rahman Al-Thani: "Liviyadağı krizisnı xäl itüneñ yulı kiñ qolaçlı utnı tuqtatu"
Addustour (Yordaniya): Rusiyä İlbaşı Vladimir Putin: "Fälästin problemasın xalıqara legallek nigezendä xäl itü öçen xalıqara fiker berlege, konsensus kiräk"
France 24 (Franśiya): Franśiyada “Kovid-19” krizisı: êştän çığarular uzğan yılğa qarağanda ike märtäbä arttı.
Le Monde (Franśiya): “Nokia” şirkäte Franśiyada 1 meñ 233 keşene êştän çığarunı planlaştıra. Franśiya xökümäte bu plannıñ sośial’ mäğ’nädä “qabul itelmäslek” buluı fikeren yaqladı.
Le Parisien (Franśiya): Franśiyada qaldıqlı sularda “Kovid-19” êzläre tabılğannan soñ Mediśina akademiyası qaldıqlı sularnı “sistemalı” räweştä kontrol’ itärgä täq’dim itte.
El Pais (İspaniya): İspaniyanıñ turistik Balear utrawlarında sośial’ distanśiya qağidäse buluına qaramastan bitlek kiyü mäcbiri bulaçaq.
El Nacional (Venesuêla): “Kovid-19” çorında Amerika Quşma Ştatlarınıñ neft’ rezervlarındağı azayu arqasında Venesuêlada benzin arttırılğan bäyädän satıla.
El Mundo (İspaniya): Xökümät urtağı “Unidas Podemos” partiyası İspaniyada bulğan 600 meñ terkälmägän möhacirgä watandaşlıq birergä täq’dim itte.
“Gazetem.ru” xäbär säxifäse: BMO İminlek Şurası Rusiyäneñ Süriyä ölgesen kire qaqtı.
“TASS” xäbär agentlığı: Rusiyäneñ AQŞ ilçese Antonov: “Rusiyä AQŞnıñ Açıq hawa kiñlege kileşüennän çigenüe arqasında kiräkle adımnar yasayaçaq”
“RBC” xäbär portalı: Rusiyä ğaläm agentlığı “Roskosmos” başlığı Dmitriy Rogozinnıñ kiñäşçese êlekke jurnalist İvan Safronov “watanğa xıyänät”tä gäyeplänep qulğa alındı.
Tatarstannıñ “Tatar-inform” agentlığı Qazanda temperatura rekordınıñ quyıluın xäbär itä. Agentlıq beldergänçä, 8nçe iyül’dä Tatarstan başqalası Qazanda temperatura rekordı quyılğan. Hawa cılılığı +35kä xätle kütärelgän. Bu könneñ moña qadärge absolyut maksimumı 1954nçe yılda bilgeläp ütelä - ul çağında hawa +33,3 graduska qadär cılınğan.
Bäyläneşle xäbärlär
Dön’ya matbuğatına küzätü 27.08.2021
27nçe avgust könne çıqqan qayber çit il matbuğatı çaralarına küzätü