Angliyada basıluçı bӓysez ğarӓp gazetı “Alsharq Alawsat” Soğud Ğarӓbstanınıñ tübӓndӓge açıqlawın citkerӓ: “İzrail belӓn mönӓsӓbӓtlӓrebez yuq, söylӓşü ütkӓrergӓ planlamıybız.”

Qatarda dön’ya kürüçe “Al-Raya Al-Katariya” basması beldergӓnçӓ Ğiraqta yӓkşӓmbe könne yaña xökümӓt açıqlanaçaq.

Omannıñ “Vatan” gazetı yazğança Ğiraq citӓkçelege qalğan terrorçılarnı yuqqa çığaru maqsatı belӓn çik buylarında xӓrbi operaśiya başlattı.

Franśiyada basıluçı “Le Mond” gazetı ildӓge xastaxanӓ personalınıñ êşne taşlaw çarasın dӓwam itterergӓ çaqıruın yaza.

Şul uq ildӓ çığuçı “Le Parisyen” gazetı Antarktikada 20 dӓrӓcӓ cılılıqnıñ küzӓtelüen, yaña rekordnıñ quyıluın belderӓ.

Germaniyaneñ Doyçe Velle media oyışması citkergӓnçӓ Myunxen iminlek konferenśiyase bügen başlana.

Alman “Die Welt” gazetı xӓbӓrenӓ kürӓ Germaniya êçke êşlӓr ministrı Zixofer yaña qaçaqlar krizisı kisӓtüen yasadı.

Şul uq ildӓ basıluçı “Süddeutsche Zeitung” gazetı Qıtaydağı koronavirus kizüendӓ rekord dӓrӓcӓsendӓ artışnıñ küzӓtelüen yaza.

İspaniyaneñ “El Mundo” basması ispaniyale uquçılarnıñ Breksitqa qaramastan Angliyada yuğarı belem alırğa telӓwen citkerӓ.

Rusiyӓneñ TASS xӓbӓr agentlığı beldergӓnçӓ Rusiyӓ ilçelege AQŞnıñ yaña çikӓwlӓren yaña rusofobiya dulqını itep taswirladı.

RİA Novosti agentlığı yazğança Pentagon yaña rus qoralın üz atom-töş köçe öçen yanaw bularaq kürӓ.

Rus telendӓge “İzvestiya” gazetı xӓbӓrenӓ kürӓ Ukraina watandaşlarınıñ Qıtaydan kiterelӓçӓge könne açıqladı.

Tatarstannıñ “Tatar-inform” mӓğlümat agentlığı beldergӓnçӓ 2020 yılda Tatarstan Mӓdӓniyӓt ministrlığı 10 fil’m töşerügӓ aqçalata yӓrdӓm kürsӓtӓçӓk. Xӓbӓrdӓn kürengӓnçӓ ӓlege fil’mnar arasında uyın, dokumental’ hӓm animaśion kartinalar bar.