Dönya matbuğatına küzätü 14.01.2020

Qayber çit il basmalarına küzätü

Dönya matbuğatına küzätü 14.01.2020

 

 “Tageschau.de” xäbär itkänçä, Törkiyä ilbaşı Räcäp Tayyip Ärdoğan 19 nçı ğıynwarda Germaniyağa säfär yasıy.

“Deutsche Welle” media oyışması iranlı general Qasıym Sölaymanineñ üterelüennän soñ neft’ bäyäläreneñ artuın citkerä.

“Spiegel.de” Germaniya ğaskärläre Ğıyraqta qaluın däwam itterä dip xäbär itä.

Angliyädä çığuçı bäysez ğaräp gazetı “Alşarq Alavsat” İrannıñ êçke êşlärenä qatışmaw mäs’äläsendä Angliyäne kisätüe turında yaza.

Katarnıñ “Al-Raya Al-Katariya” basması 100 könnän soñ Ğıyraqtağı protest çaralarınıñ tağın da köçäyüen belderä.

Baxreynnıñ “Al-Ayam” gazetı Berläşkän Ğaräp Ämirlekläreneñ täwge atom-töş stanśiyäsen berniçä ay êçendä ğamälgä kertäçäge turında yaza.

Rusiyäneñ “RBK” media organı Xalifä Xafter kileşügä quy quymıyça Mäskawdän kitte dip xäbär itä.

”Ria Novosti” beldergänçä, Rusiyäneñ xakmiyättäge partiyäse ”Berdäm Rusiya”  öy xucabikälarenä salım tüläw täq’dimen kire qaqtı.

İspanyanıñ “El Mundo” gazetı İspaniya däwlät başlığı Pedro Sançesnıñ Awrupa Berlegendäge iñ zur xökümätne qoruın belderä. Anda 4 ilbaşı urınbasarı häm 18 ministr urın ala.

Franśiyanıñ “Le Monde” gazetı 2021 nçe yılda uqıtuçılarnıñ xezmät xaqın arttıru öçen 500 million yevro bülep birelde dip yaza.

”Le Figaro” basması Parijda 9 nçı ğıynwardağı polisiya xezmätkärläreneñ qırıslığı waqıyğası belän bäyle 2 yaña tikşerü başlatıluın citkerä.

“Türktatar” säxifäse xäbär itkänçä, Tatarstan ilbaşı Röstäm Miñnexanovnıñ tışqı mönäsäbätlärdän cawaplı başlıq urınbasarı Radik Gimatdinov Rusiya êksport üzägeneñ Törkiyä wäkile itep bilgelände.



Bäyläneşle xäbärlär