Dön'ya matbuğatına küzätü 4.12.2019

4nçe dekabr' könne çıqqan qayber çit il matbuğat çaralarına küzätü

Dön'ya matbuğatına küzätü 4.12.2019

Ğaräp telendäge matbuğat çaralarınnan Katarnıñ “Äl-Raya Äl-Katariya” gazetı xäbär itkänçä, Ğıyraqtağı rizasızlıq çaraları arta.

Ommannıñ “Vatan” gazetı Prinś Uil’yamnıñ räsmi säfär belän Ommanğa kilüe turında yaza.

Germaniyäneñ Ntv.de säxifäse Londondağı dürtyaqlı sammitnı alğı planğa çığara. “Kanśler Merkel’ Ärdoğan belän oçraşunı maqtıy” dip yaza matbuğat çarası.

Şul uq ilneñ “Doyç Velle” gazetı yazğança, Germaniyäneñ başqalası Berlindağı yaña aêroport 2020nçe yılnıñ 31nçe oktyabrendä açılaçaq. Bu kön berniçä yıl buyı kiçekterelep kilde. Tözeleş 2006nçı yılda başlanğan ide.

İspaniyäneñ “Êl Pais” gazetı “Venesuêla kiläçäk saylawlar öçen xalıqara küzätüçelärne çaqırdı” dip yaza.

Meksikanıñ Milenio.com säxifäsendäge mäqalädä “LeBaron ğailäsen üterüçe bularaq qulğa alınuçılar barı tik êşne tizräk yabu öçen” diyelä.

İspaniyäneñ “La Vanguardia” gazetı xäbär itkänçä, Melaniya Tramp berençe ledilarnıñ tormışı turında kitap bastırdı. Ul “Aq Yorttağı Mona Liza” dip atala.

Rusiyäneñ RİA Novosti xäbär agentlığı AQŞnıñ rus delegaśiyäsenä viza birmäwen citkerä.

Şul uq ilneñ Lenta.ru säxifäse yazğança, Germaniyä AQŞnıñ “Tön’yaq Ağım-2” proyektına qarşı kertäçäk sankśiyälärenä cawap biräçägen belderde.

Franśiyäneñ “Lö Mond” gazetı “London Tramp belän Makronnıñ NATO häm Süriyä xaqındağı fiker qarşılıqların kürsätte” dip xäbär itä.

“Lö Parisyen” gazetı 5nçe dekabr’dä bulaçaq êş taşlaw turında belderä. Franśiyädäge poyezdlarnıñ 90%ı ul könne yulğa quzğalmayaçaq.

 Tatarstannıñ “Tatar-inform” agentlığı Törkiyäneñ Änkara şähärendä “Millät anaları” dip ataluçı konferenśiyä uzaçağın xäbär itä. Çarada Mäxbübcamal Akçurina, Şäfiqa Gaspralı häm Säğadät İsxaqıy-Çagatay şikelle kürenekle şäxeslär turında süz baraçaq.



Bäyläneşle xäbärlär