Dön’ya matbuğatına küzӓtü 08.11.2019

Angliyada basıluçı bӓysez ğarӓp gazetı “Alşark Alavsat” Ğiraq xökümӓteneñ Bagdattağı çaralarnı kontrol’ astına alu tırışlıqlarınıñ şaqtıy keşeneñ ğomeren özüen citkerӓ.

Qatarda kön kürüçe “Al-Raya Al-Katariya” gazetı beldergӓnçӓ DEAŞ terror oyışmasınıñ üterelgӓn liderı El-bagdadineñ señlese hӓm xӓlӓl cefete törek iminlek köçlӓre qulında.

İspaniyada çığuçı “El Pais” basması ildӓ 10 noyabr’ könne waqıtınnan alda saylawnıñ uzaçağın yaza.

Meksikanıñ “El Universal” gazetı xӓbӓrenӓ kürӓ “kӓrlӓ” quşamatlı narkobaronnıñ öylӓre satuğa quyıldı.

Franśiyadӓ basıluçı “Le Mond” gazetı ildӓ sarı jiletlılar çaraları nӓticӓsendӓ 2018 yılnıñ noyabrennӓn alıp 2019 yılnıñ iyunenӓ qadӓr 3 meñnӓn artıq törmӓ cӓzasınıñ birelüen citkerӓ.

Şul uq ilneñ “Le Parisiyen” basması yawlıqlı xatın-qızlarnı Xêllowin ubırlı qarçıqlarına oxşatqan franśuz senatornıñ cӓza almawın yaza.

Germaniyaneñ “Doyçe Velle” media oyışması beldergӓnçӓ Süriyӓdӓ yaña qurqınıçnıñ barlıqqa kilüen xӓbӓr itӓ, ul da bulsa – qulğa alınğan DEAŞ terrorçıları.

Şul uq ilneñ ZDF televideniyese AQŞ dӓwlӓt sӓrqӓtibe Mayk Pompeonıñ rӓsmi söylӓşülӓrdӓ qatnaşır öçen Germaniyağa sӓfӓr yasawın belderӓ.

Rusiyӓneñ Ria Novosti xӓbӓrenӓ kürӓ Törkiyä ilbaşı Räcäp Tayyip Ärdoğan El-Bagdadiğa bӓylӓneşe bulğan 13 keşeneñ qulğa alınuın açıqladı.

TASS xӓbӓr agentlığı Rusiyӓ boralaqlarınıñ tön’yaq Süriyӓdӓ hӓr kön patrul’ğa çığaçağın citkerӓ.

Rusiyӓdӓ çığuçı “İzvestiya” gazetı AQŞ saqlanu ministrlığınıñ supersonik qorallar mӓs’ӓlӓsendӓ Rusiyӓdӓn artta qaluların qabul itüen yaza.

Tatarstannıñ “Tatar-inform” xӓbӓr agentlığı beldergӓnçӓ Qazan federal’ universitetı dön’yanıñ iñ yaxşı 100 universitetı isemlegenӓ kerde.