Dönya matbuğatına küzätü 13.06.2019

Qayber çit il basmalarına küzätü

Dönya matbuğatına küzätü 13.06.2019

 

Soğud Ğaräbstanında ingliz telendä çığuçı “Alşarq Alawsat” gazetı Amerika Quşma Ştatları ilbaşı Donal’d Trampnıñ “İran töbäktä häm dönyada qurqu uyatuçı il” dip äytkän süzlären citkerä.

 Katarnıñ “Al-Raya Al-Katariya” basması Yämändäge husilärneñ Soğud Ğäräbstanındağı xalıqara Êbxa hawa mäydanına höcüm itüen belderä.

Livannıñ “Äl Hayat” gazetı Berläşkän Millätlär Oyışmasınıñ Soğud Ğaräbstanındağı hawa mäydanına yasalğan höcümneñ regional’ iminlekkä yanawı turında belderüen citkerä.

“Welt.de” beldergänçä, Könçığış Germaniyada xalıq sanı kimi, ul xäzer 1905 nçe yıl däräcäsendä.

“Frankfurter Allgemeine Zeitung” almannarnıñ kübräk Törkiyädä, Misır häm Tunista yal itügä  östenlek birüen citkerä.  

“Weser-Kurier” beldergänça, AQŞ ilbaşı Tramp Germaniyadağı Amerika ğaskärlären Pol’şağa küçerü turında uylıy.

 “El Mundo” yazğança, İspaniyada yaqınça 2 million keşe iq’tisadi krizis arqasında öylären yuğaltu qurqusı belän yäşi.

”Klarin” gazetı Argentinada könnän kön arta baruçı Qıtay turistları öçen yaña qunaxanälär tözelüe turında yaza.

Rusiyäneñ “Lenta.ru” internet säxifäse Törkiyä  ilbaşı Räcäp Tayyip Ärdoğannıñ Rusiyädän S-400 hawa saqlanu sistemaları satıp alu belän bäyle soñğı süzne äytüen citkerä.

Rusiyäneñ “İzvestiya” gazetı Rusiya Federäsiyäse däwlät başlığı Vladimir Putin Rusiya – AQŞ mönäsäbätlärendä torğınlıq buluın belderde dip yaza.

Rusiyäneñ “Ria Novosti” xäbär agentlığı Rusiya Federäśiyäse däwlät başlığı Putinnıñ Rusiyäneñ Ukraina belän mönäsäbätlärne cayğa salaçağı turında äytüen citkerä.

“Le Monde” xäbär itkänçä, Vaşington Pol’şadağı xärbi köçen nığıtaçaq.

”France 24” Sindzo Abê Vaşinton belän Tähran arasındağı kiyerenkelekne kimetü öçen İranda dip xäbär itä.

 Tatarstannıñ “Tatar-inform” mäğ’lümat agentlığı xäbär itkänçä, bügen Üzbäkstannıñ Qazandağı General’ konsullığı açıla.

 Üzbäkstannıñ Qazandağ General’ konsulı Färiddin Nasriyev beldergänçä, ike il urtaq näfis fil’m töşerergä äzerlänä. Ul Tatarstanda häm Üzbäkstanda töşereläçäk. Kartinada tatar häm üzäk aktyerları uynayaçaq. Fil’m mäxäbbät turında. Anıñ zäñgär êkrannarğa qayçan çığaçağı älegä bilgele tügel.

 

 



Bäyläneşle xäbärlär