Dönya matbuğatına küzätü 31.05.2019

Qayber çit il basmalarına küzätü

Dönya matbuğatına küzätü 31.05.2019

Angliyada basıluçı bäysez ğaräp gazetı “Alşark Alavsat” beldergänçä Soğud Ğaräbstanı patşası İrannıň regional’ iminlek yanawına qarşı xalıqara täwäkkällekkä çaqıru yasadı.

“Alkuds Alarabi” basması xäbärenä kürä Farsı qultığı xezmättäşlek şurasınıň ğadättän tış oçraşuında İrannıň qalğan illärneň êçke êşlärenä qatışuı ğayeplände.

Germaniyaneň “Spiegel” gazetı AQŞ däwlät särqätibe Mayk Pompeonıň Angela Merkel häm Xeyko Maas belän küreşep söyläşäçägen yaza.

Şul uq ildä kön kürüçe “Frankfurter Allgemeine Zeitung” gazetı Xalıqara citäkçelekne qamilläşterü üzäge tarafınnan açıqlanğan Bötendönya yarış köçe xisabında Germaniyaneň 17nçe urınğa töşüen citkerä.

“Deutsche Welle” media oyışması beldergänçä Germaniyada ike yäş’lek seňlesen yanuçı avtomobil’dän qotqarğan 10 yäşendäge abıysı Kenan Büyükhanğa medal’ tapşırıldı. Xäbärgä kürä büläkne Bavyera prem’yer-ministrı Markus Söder tapşırdı.

İspaniyaneň “El Pais” gazetı İspaniya xalqınıň yartısınıň koaliŝiya xökümäteneň qorıluın teläwen yaza.

Venesuêlanıň “Telesur” basması xäbärenä kürä AQŞ federal’ sud’yası Tramp xökümäteneň Meksika çigendäge diwar tözüne däwam itterü röxsäten kire qaqtı.

“Le Mond” gazetı AQŞ ilbaşı Donal’d Trampnıň Meksika belän mönäsäbätlärdä yaňa kiyerenkelek başlatuın citkerä.

“Courrier international” gazetı İzrail Parlamentınıň tarqaluın, yaňa saylawlarnıň 17 sentäbr’dä uzaçağın xäbär itä.  

Rusiyäneň “Ria Novosti” xäbär agentlığı beldergänçä Rusiyä Yaponiyağa vizalarnı beterergä kiňäş itte.

Lenta.ru xäbär säxifäse Rusiyäneň İranğa S-400 raketa saqlanu sistemasın Yaqın Könçığışta kiyerenkelekneň üsäçäge borçuı arqasında kire qağuın cikterä.



Bäyläneşle xäbärlär