Dönya matbuğatına küzätü 27.05.2019

Qayber çit il basmalarına küzätü

Dönya matbuğatına küzätü 27.05.2019

Livanda kön kürüçe “Al-Hayat” gazetı Bagdat citäkçelegeneň Tähran belän Vaşington citäkçelekläre arasında aradaşçılıq başqarırğa täqdim itüen yaza.

Angliyada çığuçı bäysez ğaräp gazetı “Alşark Alavsat” AQŞ däwlät başlığı Donal’d Trampnıň Yaponiyaneň yaňa imperatorı belän küreşep söyläşkän berençe lider buluın citkerä.

Qatarnıň “Al-Raya Al-Katariya” gazetında İran tışqı êşlär ministrı Cawat Zarifneň tübändäge süzläre urın ala: “Farsı qultığı illäre belän regional’ höcüm itmäw kileşüenä qul quyu täqdimen yasadım.”

Germaniyada basıluçı “Süddeutsche Zeitung” gazetı beldergänçä alman xökümätendä yähüdlärgä qarşı doşmanlıq belän köräşüçe Feliks Klayn yähüdlärgä kipa isemle baş kiyemnären här cirdä kimäskä kiňäş itte.

Venesuêlanıň Telesur kanalı xäbärenä kürä ilneň tışqı êşlär ministrı Xorxe Arreasa ilenä qarata başqarılğan matdi qamaw häm media kampaniyalärennän AQŞnı cawaplı tottı.

Franṡiyadä kön kürüçe “Le Figaro” gazetı Awrupa Parlamentı saylawında tradiṡion partiyalärneň artta qaluın häm Yäşellär partiyaseneň alğa çığuın yaza.

Rusiyädä çığuçı “Vesti” gazetınıň internet säxifäse xäbärenä kürä Bötendönya xokkey çempionatında finlyandiyalelär altın, Kanadalılar kömeş, ruslar bronza medal’ yawladı.

“Lenta” basmasınıň internet säxifäse beldergänçä Rusiyä däwlät başlığı Vladimir Putin Kaliningrad töbägendäge Yantarnıy rayonında tiran diňgez portınıň tözeleşenä teläktäşlek kürsätte.

Tatar-inform xäbär agentlığı Tatarstan prezidentı Röstäm Miňnexanovnıň êş säfäre belän bügen Çallığa baraçağın citkerä. Xäbärgä kürä ul biredä “Kamaz” proyektı - kabina karkasları êşxanäsen açuda qatnaşaçaq.



Bäyläneşle xäbärlär